ديوان الشاعر الكبير بندر بن سرور العتيبي ( اسطورة عتيبه )

[الوليد الاسعدي]

جهد مشكور وبيض الله وجيهكم ! الحقيقه ان الواحد يفخر ان يحضى المنتدى بالنوادر والمفقود بين الكتب .

صاحب الموضوع ابن نجد الله يحفظه :
ياليت لو تضيف كلمة ( رحمه الله ) امام اسم بندر بن سرور في رأس الموضوع .. حتى كل من شاف الموضوع ترحم عليه ليصله الخير وهو في قبره ولك الاجر .

[الاستشاري]

[poet font="Simplified Arabic,5,blue,bold,normal" bkcolor="transparent" bkimage="backgrounds/21.gif" border="ridge,5,indigo" type=2 line=350% align=center use=ex length=0 char="" num="0,black" filter=""]
يا رب انا لي حاجة صكة القوع=باقصى بحر تسعين صكة نحرها
اصعب على المخلوق من حبة الكوع=والا على الخالق بسيط دورها
كم واحد جت له بساتين وزروع=تراه ما يدري من اللي بذرها
ابن اللئيم مشارك الكلب بطبوع=عينه على حرمة قصيره نظرها
ما دارها خوف عليها من الجوع=خوفه تفوته غرة ما سبرها
[/poet]

[النداوي]

بارك الله فيك يا فتى الشرائع

[العطــــاوي]

مشكور يا ابن نجد وماقصرت

[متعب العضياني]

بيض الله وجهك وجهد رائع وكبير منك
وجهد من الاخوان الي شاركوا
وبندر لو نخصصله منتدى ماكفاه

وتقبل تحياتي

[سلطان الفهد]

ما شاء الله عليكم ويعطيكم الله العافية والصحة يالغالين
وبندر معروف ( رحمة الله )

[أبو لــيّــور]

بيض الله وجيهكم كلبوكم 000

[شيباني نت]

[FONT=Comic Sans MS]سلااااااااام مربع
على الجميع
الله يعطيكم الف عافيه على هالمجهود الطيب
في نشر تراث عتيبه واشعارها
ويا ليت تشقرون على الشعار الباقين
وخاصه (بديوي الوقداني)[/FONT]

[حسان]

أبــــــــــ نجد ـــــــــن

مشكور على هذا الجهد المميز في جمع هذا الديوان الرائع

للشاعر الكبير بندر بن سرور(الشنفرة ) وهو في الأسلوب يشابه أسلوب

الشنفرة لانهما تعرضا لنفس الظروف
ولكم تحياتي

[ابوتـ(رسام)ـركي]

السلام عليكم
حبيت اضيف هالمعلومات وكم بيت لـ متنبي عتيبه الشاعر بندر بن سرور رحمه الله
والعذر والسموحه ان صار في تكرار للمعلومات لطول الردود وصعوبة قرائتها

-من هو بندر بن سرور؟
هو بندر بن سرور بن خضير القسامي العتيبي.
من مواليد القرارة أحدى توابع منطقة الدوادمي
ولد في عام الف و ثلاثمية و ستين هجري، في سنة عرفت بربيع ربلان
نترك بندر يصف نفسه بنفسه . يقول :

ماني وانا بندر براعٍ ولد راع ... انا الحصان اللي طوالٍ حباله
إبن سلايل خير من شالت القاع ... المصطفى الهادي وديع الرسالة


ماني وانا بندر ببيّاع دمه ... يقطعك يا بياع دمه و مهفيه
اللي يبيّع لابسات الأزمه .. ثورن يبي بيض العماهيج تغنيه


ماني وانا بندر بهيسن ولد هيس ... هيسٍ يدنع عند حرمة قصيره
ليا بغيت اجلس ترى لي مجاليس ... وليا بغيت انهج دروبي عسيرة


ماني وانا بندر بهيتٍ ولد هيت ... هيت مقابل خمّةٍ يكرهونه
من كثر ما جرّبت وأقبلت و أقفيت ... قولة هلا من لا يودّك مهونة


ماني وانا بندر على درب الأنجاس ... اللي قريبٍ تفلها من لحاها
أنا بدرب الصيرمي عدم الأجناس ... زيزوم روق ليا تنصّت عداها


ماني وانا بندر بنصّاي جابان ... شوخ الجموس مناقرين الحليلة
ليا صار لي لازم نصيت ابو فيحان ... شيخ الشيوخ مكمّلين الجميلة


عاش بندر رحمه الله طفولة فيها من القسوة الشيء الكثير . فبعد وفاة والده تزوجت والدته رجلا اخر و انتقلت للعيش معه.
انتقل بندر للعيش مع أمه و زوجها في رواية، و جلس عند عمه اخو ابوه في رواية اخرى, ولكنها-على كل حال- حياة افتقدت لحنان الاب و احتوت على ما تحتوي عليه حياة البادية عادة من قسوة و ترحال خلف الماء و الكلأ. لكن هذا لم يمنع بندر من قول الشعر , و لم يمنع الموهبة الشعرية من التفجر ابداعا على شفاه هذا الاسطورة:

صوتي وانا بندر طويل ليا بان ... إن ما خشيت الرب ويش اختشي له
ما ينرمي قولن على غير نيشان ... و من لا يثبّت حجته ويش هي له
-
وهذا ما احببت اني اشاركبه

اخوكم
ابو تركي