غازي الشلالحي
سلام الله سلامن يجمع العتبان والمطران=على عز ومعزه والعرب تعرف غزاويها
يقولون الرجال الضفر ناجي والكريم امعان=وانا اقول البريه كلها في حكم باريها
معجب العتيبي
هلا يامرحبا ترحيب بالمطران من عتبان=على وضح النقا مابين كاتبها وقاريها
يقولون الرجال الفعل بيّن واللسان حصان=ياطيب اللي دروب العز يعرفها ويمشيها
غازي الشلالحي
يدوم الك البقا يا شاعرن رحبت بالضيفان= نباك يسدنا عن صبت الدله وشاهيها
ترا ماكل من يبدا على راس البيان ايبان=ولا كل المشايخ فالبلد توخذ فتاويها
معجب العتيبي
سلومٍ للرجال اهل الكرم من ماضي الازمان=ولاصارت عوايد طيب مانخلف مباديها
يقولون اختلاف الوقت بيّن والحياه الوان=واقول الله يجنبنا الفتن ويبيح طاريها
غازي الشلالحي
عصى موسى معي ماباقي الا خاتم اسليمان=وانا لا شفت معجب قلت جينا في حراويها
منول يالعتيبي ماتغير شوكة الميزان=وتالى الوقت اشوف الحبل يلعب في علابيها
معجب العتيبي
يعز الخيل مركزها ليامن طبت الميدان=ياغازي قدّم المجهود وافرح في تواليها
امنول سنة الهادي ونور الحق فالقرأن=يدل الناس واليوم الفتن قامت تباريها
غازي الشلالحي
ليا جت للعزاوي في نهار الملح والدخان= نضويها نسرحها . نسرحها نضويها
مخطط والمخطط مثل خط محمد جيهمان= يصلي له صلاة يالعتيبي ما نصليها
معجب العتيبي
ليا جت للعزاوي يالمطيري فانشد العربان=من اللي في كبود القوم يوجعها ويكويها
صحيح ان الزمن يكتب فعول القوم فيما كان=لكن الخوف مٍن مًن فعلته لابد يخفيها
غازي الشلالحي
انا ماقول فيك اقصور والحجه على البرهان=لون اهل الهدا من طبيها تملا مخابيها
حسن نصرالله الشيعي يسمى حزبه الشيطان=اعوذ بربنا رب الفلق من شر مافيها
معجب العتيبي
وانا ماحب بعض الهرج لامن جا على وجهان=احب اللي يسم الناس ياغازي بساميها
واقول الله يخس الباير المستعلم الخوان=ويعلي راية اهل الحق ويسدد خطاويها
غازي الشلالحي
علومي تطلق اوجيه النشاما والله المنان=يا معجب من يخم السالفه لا بد يخيطها
ترا ماكل علمن يخلص الداين من الديان= تشوف بعينك وترجع على الجره وتمشيها
معجب العتيبي
ياغازي ماذكرنا شي ليش خويطرك زعلان؟=تجنبنا الحقايق لجل بعض الناس نرضيها
ليامني تركت النقص ما احسبها من النقصان=انا احسبها زياده وانت عينك ليش تعميها
غازي الشلالحي
ليا جنبتها يشره علاك افلان وابن افلان=وتبقى في جبينك ثابته ماعاد تمحيها
تحاول تقلب الصوره على فرعون يا هامان= صدق من قال فالامثال حاميها حراميها
معجب العتيبي
انا ماهمني غير الرضا من ربي الرحمن=واشوف العجه اللي تحسب انك طايرن فيها
تفقد في صلاتك وانتبه من نغزة الشيطان=ولاجاز الك سجده للسهو مسموح تقضيها
« آخـــر الـــمـــشـــاركــــات »
14-Oct-2010, 05:25 PM
العرض العادي
