ليا منا بطشنا نضرب الرجال بالرجال

[ابراهيم الجـــــذع]

ترا ما كل عقده يا عميلي جالها حلال=وعندك بير مطويه واظن القوم طوتها
أنا أخبرك قمر لكن تال الوقت رحت اهلال=وأنا أحسبك فارس قوم في قومك وفتوتها

التوقيع

الذم ما يهفي للأجواد ميزان=والمدح ما طول قصار الأيادي

[برررق الحيا]

لازال الابداع يسيطر على هذا المتصفح بقوة نقض وفتل شعاره وجزالة معانيه

ولازلنا نتابع مستمتعين ومستفيدين وبين الصفوف ظاهرين

الليلة سهاري والبل مالها لازم ياخلف بكرا خخخخخخخخخخخ

صح السانك ابراهيم وصح السانك على الشهراني

امتاع وابداع

[علي الشهراني]

كذا و الّا كذا ما فيه مخراجٍ بلا مدخال=عسى حفرتك تلقى من يجي و يسدّ هوّتها
ليا منّك فضيت و رقت فابحث سيرة الابطال=لجل تعرف من اللي موتها بأسباب هفوتها

التوقيع

يا بو محمد وش عليه أتحسّر=لا مرقدٍ دافي و لا ماكلٍ حار احسلّي اقصْر في شفوفي و اكسّر=اخير لي من عيشة الغار و النار

[ابراهيم الجـــــذع]

ليا حطيت معدالك فنا حطيت الك معدال=واوريك المصايب كيف بعض الناس ضوتها
وهذا فعلنا بالسيف من وقتٍ مضى ما زال=ومن غير القلايع ناخذ امن القوم نقوتها

[علي الشهراني]

ترا ربعك غنيّه عن كلامك يا خفيف الجال=و مكه خابرينٍ وش صفاها قبل مروتها
تحطّون الجلال ادقاق و احط الدقاق اجلال=مقاطيع الجبال اليا لفتها العطْش روّتها

[ابراهيم الجـــــذع]

بعد شفت الحقايق ضاق صدرك يا وسيع البال=وحنا ما يضيق صدرنا اللجنه وندوتها
والا ياللي تعبدون الصنم واصل الصنم تمثال=ترا الأصنام في دارك يا أبن شهران حروتها

[علي الشهراني]

اذا هاذي تسمّيها حقايق يا سهيل اقبال=اقول الله يخلف للقبيله راس عزوتها
عبدنا الله على يسر و عسر في مختلف الاحوال=يوم انّك في حما الكعبه تحاول شقّ فروتها

[ابراهيم الجـــــذع]

نبا نعطيك لين تضيع الوزنه من المكيال=وتسري بالجراكن بعد ما ضيعت غطوتها
ترا حنا خلقنا نعدل اللي عن طريقه مال=خوال اللي بعث لناس قدوتها واسوتها

[علي الشهراني]

ابيض وجه يا بو خليل


اشكرك و الى لقاء قريب


دمت في رعاية الله

ختام السالفه بر و بحر يا راعي الجوّال=عسى ربي يعافينا من العالم و بلوتها
صلاة الله على محمد نبيي و الخوال اخوال=عتيبه مركز الامجاد و الامجاد بروتها

[ابراهيم الجـــــذع]

و وجهك أبيض أخوي علي

صح السانك ما قصرت يا الغالي

تشرفت واستمتعت باللعب معاك