ابن سرحان الثبيتي
سلام رديه لها تاريخ ميلاد ووفاه = وان طاب حظ سعود ماظنه بيقصر عمرها
بعض الدعاوي يالنفيعي من تحت كم العباه = ادرى على روحك ترى الانذال تحفر قبرها
سعود البرقاوي
يامرحبا ترحيبة حية وتنبض بالحياه = في ظل نكبات القدر ،، حية وهذا قدرها
لاتحسبني يالثبيتي ماعرفت اللي تباه = مافيه داعي نشعل النيرة وننفخ جمرها
ابن سرحان الثبيتي
عينك تشوف الدرب مير الدرب له كم اتجاه ؟!!= وام اليتاما لا تزبنها و تكشف سترها
السالفه ماهي جبل يوخذ لنا ولا حصاه = الا رساله وجهت يمي ودمك حبرها
سعود البرقاوي
لاتشتبه وتحطني داخل محيط الاشتباه = واصير انا وياك عرضه للغزاه وسبرها
سلامتك مما حصلّك والجبل خلك وراه = دربيت لي ضخرة وشفتك يالثبيتي حدرها
ابن سرحان الثبيتي
ياسعود لا يلعبك الشيطان واتحوس الصلاه = ترى الدروب اطوال ونته همتك ياقصرها
لاترمي الداب العمى في دربي اظنك كماه = والحيه اللي من ورى الداب العمى ياكبرها
سعود البرقاوي
الجرح لامني جرحته جبت يافايز دواه = لاتدّعي واهل الخواطر لا تدّور جبرها
الله يا منا طلع لك عين ذيب وقلب شاه = بسم الله الرحمن وش صايبك يافيل ابرها
ابن سرحان الثبيتي
بغيتك اتعوم البحر وانته تبا طوق النجاه = لكن برقا من علومك ياولد وش عذرها
الحمل في ظهر الجمل والخوف قطع له شواه = وام لثمان البيض لازالت بكر في خدرها
سعود البرقاوي
لاراحت الدعوى وجات اجيب لك صك البراه =والدايرة تعرف وانا اعرف كم مسافة قطرها
من يشرب الشاهي محلا مايفكر في حلاه = يطق صدره لين يلقى ناس تضرب صدرها
ابن سرحان الثبيتي
ارفع نظر عينك عساك اتشوفني عبر القناة =السيف ابو حدين والانذال ياخذ عمرها
السالفه دارت على راس الجبل مثل الرحاه = وانته تمد ايداك فالميدان من تحت امرها
سعود البرقاوي
اللي قرى خط الصحيفة علم اللي ماقراه = يافكرتي في عالمٍ تصبر ويقضي صبرها
السالفة راحت وخل البير لاتكشف غطاه = ياراعي الفلة على راسك لاتطرح جدرها
ابن سرحان الثبيتي
البنك لو يكشف رصيدك كان طلعت الزكاه = لاصرت تاجر كيف عينك تشتكي من فقرها
وانا خوي الجنب لو يخطي علي ادمح خطاه = لاصار يرميله عرب شبره ماهو من شبرها
سعود البرقاوي
يالربع ابن سرحان ضاق وقام يضحك من خلاه = ازرى يطول النخلة اللي قد خذينا تمرها
الرجل من بين الرجال يقول قوله ويحماه = والا تجيه ام الخمار نلحفه من خمرها
« آخـــر الـــمـــشـــاركــــات »
09-Nov-2009, 07:08 PM
العرض العادي
