حداء الخيل عند قبيلة عتيبه

[عيد بن مزنك]

ياشباب على هونكم,,,,,,,,,,,,,,,,,,,,,,,,,

لحظه مانبي هذا الخلط ياشباب
يبا يحدد ديرته علوش ما رد سلفتنا علانا العام
نركب على اللي كنهن وحوش ومن طاح قدم انحورهن ما قام
المقصود علوش هو علوش بن حميد
واللي رد عليه مناحي الهيضل
واللي يقول
رمي الموارت مابها نوماس رميت شرود من بعيد
هذه للشيخ الأمير محمد بن هندي ,,,,,,,,,,,,, ياجماعه لاتخلطون هذا تاريخ وشكراً
ال

[عيد بن مزنك]

ياشباب ما نبي الخلط ,,,,,,,,,,,,,,,,,,,

يبا يحدد ديرته علوش ما رد سلفتنا علانا العام

المقصود بعلوش هو علوش بن حميد
والذي رد عليه هو الأمير الشيخ ( مناحي الهيضل ) رحمه الله

والذي يقول :
رمي الموارت مابها نوماس رميت شرود من بعيد

الشيخ الأمير ( محمد بن هندي ) رحمه الله هذا تاريخ الله يرضى عليكم وشكراً لكم ,,,,,,,,,,,,,,

[ابو فراس]

المصدر ياعيد بن مزنك مع التحيه

[الصل]

هذه الحداه للشيخ جزاء ابا العلا

عندما ساق العطفه في مناخ عرجاء

وعيد مابقي والله وعيد=الجمع يزبر والجمل سقناه

[محمد العتيبي]

ابو فراس مشكور وما قصرت وانا اخوك

وابا اهديلكم هذا الحدا ايضا للفارس : مزيد بن مغيرق العصيمي

يا عيال جروا الحيران = والخيل اعطوها الحليب

نبا نطارد خيل بن سفران = ونفرق حبيب(ن) من حبيب

هذه الحداه قالها الفارس : مزيد بن مغيرق العصيمي فى احدى المعارك

بينه وبين قبيلة قحطان .

[الحصان]

اخي متعب العضياني ::: محماس الشغار والله وسبعين نعم اخو هيا و لكن ماهوب شاعر والاحديه لقاعد بن عليثه والوهاب مرسلها لمحمد بن هندي يوم الهييشه
ياواصل ٍمني لابوسلطان % يعجل المششاويسرالليل
وادي الهيشه حل به قطعان % ومطوالاتن ناحرن لسهيل
ان كان حرب اقفوا على فيحان % وش التبدوي له وركب الخيل
وانا بشيرالطيرابوجنحان % من قوم ناهس والخليل


من مسودات الباحث سعدون الهرس

[عتيبي نجد]

احسنت يالحصان وبارك الله فيك على هذه المداخله الجميله والجميل انك ذكرت المصدر فسعدون الهرس العتيبي باحث كبير ومعروف بمصداقيته وتقبل تحياتي واحترامي

[بن حاسن]

السلام عليكم

لكم بعض الاحديات واسمحول بالقصور
احدية لحاد ن عتيبة
عصرية في شعيب الضال/ غطى السبايا عجها
ما اخبلك ياللي حارب هذال/ سبع القبايل هجها.

احدية الفارس وديد الجلاوي من الشيابين
افرج لنا يافارج لمحمد/ من الموارت وخلطهن سيوف
يضرب بحد السيف دون الشرفا/ لين السبايا عودن وقوف

بعض احديات الشيخ الفارس هذال بن فهيد
الشيخ ينزل مزلة عجلان/ شيخ الفهر عن ديرتة مطرود
نرعى الحمل بمذلق العيدان/ ديرة عشق وهديف بن عبود
ولة ايضا"
ياراكب من عندنا ثنتين/ يم الجنوب مناحي تلقاه
يحرم عليه الحزم ةالضيرين/ والهضب ما تشرب برايد ماه
ولة بعد"
ليت تركي حاضرا ويتعين/ يوم ابن صلعا تزايد جنونه
فوق راسه شلعنا المزين/ لان بيته هدمنا ركونه
ولة بعد:
ياذيب جيعان البطين/ دوك العشا ناد اخوياك
دونك تريحيب السمين/ والقابله نايف عشاك

احدية الفارس نوار هابس المقاطي
ياطارش منا سنود/ اسلم وسلم لي على هذال
قل له ترانا عقبهم بزود/ كل المراجل سدها رجال
بنحورنا عينت ابن عبود/ راحت جواده مالها خيال
ولة بعد"
ياذيب عن جال العويند لا تغيب/ ومن اشبعك ياذيب ما تلحق جزاه
عشاك ابو صفره وكل ابلج حبيب/ ثربة يزل الحول ما كمل نداه

احدية الفارس نايف ابا العلا
ياواصل عبدالعزيز/ قلة حمانا دارنا
عبيد خلي في المداس/ داجن عليه مهارنا

احدية الفارس مسعد بن ثويمر الطرقان من النفعة
لي سابق يدها عطيب/ وابطى على برودها
وان ناحرت خيل الحريب/ تطرح عشاها توها
تقبلو تحيااااااااتي اخوكم بن حاسن المقاطي

[راعي هـدّامه]

من احديات مناحي الهيضل

لي مهرةِ فيها دحـــم....... تلحق بعـرقِ فيه ريش
والطير يبغى له لحم....... ملزوم نطرح له دويش


وله ايضاَ :
ياحسين ورش حدها ....... حتـى مضاربها تبيــــــــن
كــم سربةِ نحتـدها ....... كـــــــــل القبايـــل خابرين
قــم يالعبيدي بدها....... واحلب لها الشقحا السمين
صفرا سريع ردها....... تخمـــر اليــا شــــد الجـرين



وله ايضاَ:
نركب على الحرقا بلدن عروق.....في ضف بوشٍ بالخطر نرعاه
الــراس منهـــا كنــه الصندوق.....وإن حركوا حبل الرسن شذاه
باغٍ ليـــــا حديو على الخنتوق.....وكل طرق راســه عن الاهواه
اردها لعيــون زاهـــــي الطوق.....عافــت بعلها مـــــــا تبـي نماه



وله ايضاَ:
جان الكتاب مزرفٍ بهروج.....لانيـب لا كاتـب ولا قاريه
يابدر مطلـوبٍ علي الغـوج.....والغوج لابايع ولا معطيه
عنـانه بلحيـــانه يســــــوج.....عابيه للهيـجا وأنا راعيه

وله ايضا:
نطيحهم جمــــع الاخوان..... بمهيـفـات ما تـــداني اللمس
مسبلين فيرضى الرحمن..... ومخلصين ديونهم قبل امس


وله ايضاَ :
ربعــي كما ســيل النحـا نهاب.......يركب على روس العدام غثاه
وان ما خذينا البيت بالاطناب.......يحــرم علينــا نجــــد مانرعاه

يقول شاعر حرب أبا العويرا:
وابيتنا اللي بين عروين وجفين .....يبنيه ناصر في خشـوم ذهلانِ
وابيتنا اللي في وجيه (........) .....بيت الذويبي وابتناه دعجاني

آخر تعديل راعي هـدّامه يوم 23-Apr-2007 في 05:02 AM.