|
حداء الخيل عند قبيلة عتيبه
الحداء في اللغه : حداء الابل وبها حداء ساقها وحثها على السير بالحداء .. والاحديه الاغنيه يحدى بها ..
اول من حدا : يقال ان اول من احدث الحداء غلام من مضر قيل هو الياس بن مضر وذلك انه سقط عن بعيره وهو شاب فنكسرت يده فاخذ يصيح يايداه يايداه فأتت له الابل من المرعى فلما صح وركب حدا. وقيل بل كسرت يد مولى له فصاح فاجتمعت اليه الابل فوضع الحداء وزادت الناس فيه. قال ابو هلال العسكري : بينما رسول الله صلى الله عليه وسلم سائر لتبوك سمع حداء فأسرع فقال ممن انتم قالوا من مضر قال وانا من مضر فاحدوا قالوا ان اول من حدا بيننا خيار مياسير . والحداء في الشعر العامي لتطريب الخيل اما تطريب الابل فيكون بالهجيني ومن الحداء عند قبيلة عتيبه :: للشيخ / هذال بن فهيد يا اهل الرمك كل يجيب احداه0000 انتم وراكــــم ما تحـــدون ترى الحدا لاهل الرمك مشـهاه0000 فكاكة التالي نهار الكون وله ايضاً وادى الرشا بنتٍ عليها غيره ....... ماتلبس الا القز والســــــــبهاني على فقارة نجد مني جيــــره ....... من زيد ابن شفلوت والصعراني وله ايضاً شيخ الحجادر في جناب عصيل ....... من رمح ابن عامر قـــــزا يوم الهلالي كب تالــي الخيــــل ....... في قــاعة الهضبـــــه وزا الشيخ / تركي بن حميد يا واصلين جمل 0000 لا يركب المثبوره يذكر ليوم القرنه 0000 يوم تحوم طيوره للشيخ / محمد بن هندي شاهر يوصف ثوبي المقزوز 0000 ومن الحرص حرص عليـــه عاداتنا نركض على الصابور 0000 و العمر تدابيره على و ليه وله هذه الحداه يا ربعنا شـــــدوا على الزلبات 0000 جتنــــا مناديب الامـــــام ليت الحصان اللي عطي ما فات 0000 ما سر بالباير عطاه العام للشيخ / مناحي الهيضل رمي الموارت مابها نوماس 0000 رمية شــــــرود من بعيد مافعلٍ الا قضبتـــه بالراس 0000 والعمر لزم انه يبيــــــد علي بالي تبعد المــــرواس 0000 والله يدبر مـــــــــايريد وله ايضاً ياكيف يمدح راعي النيشان ...... حذفة شرودٍ بمهوى خطلان الايدي مالهم ميدان ...... الخبل والطيب سوى ماعاد يوجد للعرب ميــدان ...... ويلاه ياعصرٍ مضــى للشيخ / ضيف الله العفار بدلت انا حم الرمك بحصان ...... بدلتها بغوجٍ جمـــــوح ابا ليا جــاء للرمك ميـــدان ...... عليه نرخص كل روح للشيخ / شليويح العطاوي يا مهرتي ياللي تشع الذيل 0000 والا ذراعك خابــرٍ ماضيـــه نبى عليها عند تالي الخيـــل0000 والجيش الى حرف على تا ليه وله ايضاً ياسابقي واظن شمر قوم ........... عقب العواني جالها نقصــــان ماصلحٍ الا عقب هية يوم .......... غشى عسامه راس ابن ســـبهان للشيخ / فاجر بن شليويح لعيون وضحاً نيها مردوم ........ ندفع لها الحاشي ورا اليا تردت هقوة المضيوم ......... نطاحة الموت جهــــلا للشيخ / شليل بن نجم ناهس ترا منا وحـنــا منــــــه .......... نصبح مصابيحه ليا امسى ســاري ياذيب ياللي تلتهب في الـقنــه .......... دوك اربعه موف الحساب مطاري من عقب مارق مخلفين السنه .......... المنع مايطـــــرا ولا لـه طــــــــاري للشيخ مرزوق بن وبصان : خل الرمك تاطى على ابن الجبعا 0000 لو كان خيال ودويــــش من عقبنا تمسي الضرايا شــــبعا 0000 والطير نرمي له وليش للشيخ ذعار بن مشاري بن ربيعان : ياللي تمنى ســــــربة العتبان 0000 ابشر بها علم وكيــــــد ابشر بخيل فوقها فرســـــا ن0000 بيدينهم صافي الحــديد من فعلهم عينت ابن شــوفان 0000 وحسين حماي البليــــد وبندر رموا به داخل الميــدان0000 وهو على السنة وكيــد والبل خذيناها با لحيطــــــان 0000 وخذنا الودايع والمعيـد امل من الاخوه الكرام المشاركه بما لديهم ... ولكم تحياتي |
ياسلام يابوفراس ...... الله يعطيك العافية ...
وراجع رسايلك وتسلم ولايسلم ردي العزايم .... |
يابوفراس .... هذي الحداه لأبن فهيد ...أن كنت تعرف مناسيتها ... فياليت توضحها
... نستفيد منك طال عمرك وفي نفس الوقت ودنا ننشط المنتدى ... !!! شيخ الحجادر في جناب عصيل ....... من رمح ابن عامر قـــــزا يوم الهلالي كب تالــي الخيــــل ....... في قــاعة الهضبـــــه وزا |
هلا اخوي عين العقل ........... وياليت الربع ينشطون شوي ترانا بدينا نمل
الحداه هناك من يرويها بهذا الشكل شيخ الحجادر في جناب عصيل ....... من رمح سعديه قـــــزا تعلمت فيهم بقلع الخيــــــــــــل ....... والشيخ الهضبـــــه وزا ولكنني اوردت الروايه الارجح حسب رواية العريفي عن الصويان وهو مايرويه اغلب عتيبه عصيل يالذيب وادي للعصمه واتوقع ان به هجره لهم الان ابن عامر هو : محمد بن مطير بن عامر العصيمي والمناسبه كما سمعت هي كون للجحادر على العصمه والله اعلم واعتقد ان البليهد اوردها في كتابه |
الاخ العزيز ابو فراس
علومك والله انها تنومس :) وودنا بالمشاركة بالموضوع ملاحظه بسيط ياسابقي واظن شمر قوم ........... عقب العواني جالها نقصــــان ماصلحٍ الا عقب هية يوم .......... غشى عسامه راس ابن ســـبهان هذي طال عمرك لفاجر ولد شليويح يا مهرتي ياللي تشع الذيل 0000 والا ذراعك خابــرٍ ماضيـــه نبى عليها عند تالي الخيـــل0000 والجيش الى حرف على تا ليه كذلك هذه الاحديه ايضا لفاجر بن شليويح وهذه الاحديه للشويمي بن نشا العصيمي ياسابقي حرم عليك النوم ....... الصبح ميرادك على الدخان والله لعوضك في نهار اليوم ... باكر اليا جاء للرمك ميدان قالها في مقتل العقيد عالي الفجري في مناخ عرجاء وهذه الاحديه للشويب الجذع وادي الهييشه حل به قطعان ... ومطولاتن ناحرن لسهيل ان كان حرب اقفو على فيحان ... وش التبدوي له وركب الخيل فيحان هو العد نفي وهذه الاحديه للشيخ شبيب بن حجنة حنا ذبحنا ولد ابن شمعول ... على قليب مواليه كله لعينا الفاطر الزعول ..... ترعى الديار الخاليه وهذه الاحديه للشيخ ذعار بن مشاري بن ربيعان ياهل الرمك زيدوا لهنه بالمقام ... ثم عاد بالمداد لا تشري شعير قرص على صاج يسقي بالايدام .... يزيد بالمرواس والابهر كبير حنا حمينا نجد من علوى ويام ... وشرهب بنا العبود هو ويا الصعير وهذه الاحديه للشاعر دخيل بن عون شقراي تلحق قاصر الذرعان .... ومقدم بحيالها مع ضف شيخن يلطم العدوان .. كل المراجل نالها الصبح وان جا للرمك ميدان .. نرخي متين حبالها وهو يقصد الملك فيصل وهذه الاحديه للشيخ تركي بن سداح بن محيا ان كان شجعا مارمت عبدالله .. والا مع الساير تروح ارمي عشيرك ياظبي الخله ... لو كان حماي اللدوح وسلامتكم وللحديث بقيه |
شباب ... ليتكم تكتبون مناسبة كل حداه ....... على حده
|
هلا والله بشبيبة الهيلا شعلة المنتدى
اخوي الخنفري لك كل تقدير واحترام على ماتفضلت به وبالنسبه للاحديه فقد ذكرتها نقلا عن العريفي الذي يرويها عن السديري وقال انها لشليويح وممكن ان تكون لفاجر كما ذكرت انت تقبل تحياتي |
هلا عين العقل
وانشاء الله نبي نذكر المناسبه لبعض الحداء ولكن اصبرعلينا شوي يالذيب |
شبيبة ..... هذا موضوع ثري جدا ... وممكن الأضافة والتوسيع فيه بلاحدود ....
وكل حداءة مذكورة لها مناسبة .... ياليت تحطونها ... عشان ... القعدة تحلو ... تحلو معاكم .... !!!!! |
يقول حـاد مـن قحطـان .
ابا انشد الطرقي عن الحيان....وابا تنشد ويش سوى ذيـب ان كان هو ميت فانا الوجعان....وان كان هو طيب فانا باطيب ان كان ذيب لحق بن جرمان....تقمـح مشعثـرة السبـيـب فرد عليه احد شعار عتيبـه خله يذوق الموت ياحبشـان....هذا جزاه بنطحتـه شبيـب صابه بشلفا جات من نجران.....تفرق حبيـب مـن حبيـب لفرسان القمزه من عتيبه نحفظك ياذود الطريسه = من بد ذيدان البنات ونحماك من راعي اللميسه= ونحماك من راعي الحصات. وقال سويحل العلباني وشبيب بن دواس العلباني المقاطي جبناك ياذود الطريسه = والخيل دونه مزريات كل نقص من دون قيسه= وين العلوم الاولات . الشاعر فيايز المرشدي هذه الاحديه حنا ذبحناعبيد أبوقرنين = يوم الولي قدر عــــــلاه حريبنا نقر يه سمٍ شيــن = ياكود من رب الملا نجاه خله يطلق بنت ابن جبرين= وهوه على تال الحيــاه عمهوج بن حباب الفليت ياسابقي عقب الغلا والزين = تناوشي متعب ليا شفتيه وادم جوفي عند متعب دين = ارب على ضرب الرمك نقضيه حاد لحرب مرسلها لعفاس بن محيا يبـي يحـدد ديـرتـه عـفـوش....مـارد سلفتنـا علـيـه الـعـام نركب على اللي كنهـن وحـوش....من طـاح قـدم نحوهـن ماقـام فرد عليه الفارس عفاس بن محيـا انتم على اللـي كنهـن وحـوش....وحـنـا عـلـى مـثــل الادام عـاب لكـم مـاقـدم النـاتـوش....وشـلـف يقـصـن الـعـظـام ياحرب وين الفـارس المدغـوش...ذيـــاب قـــواد الـجـهـام ضـيــف الله الـعـفـار بدلت انا حم الرمك بحصان . بدلتـهـا بـولـد جـمـوح ابي الى جا للرمـك ميـدان عليـه نرخـص كـل روح ضيف الله العفار حنا حمينا نجد بالعيدان = من فوق قب كنهن الصيد ماعندنا في باقي البدوان = ان سندو يتلون لابن فهيد منـاحـي الهـيـضـل ياكيف يمدح راعي النيشان....حذفـة شـرود بمهـوى خطلان اليدين مالهم ميدان...الخبـل والطيـب سـوا ماعاد يوجد للعرب ميدان...ويـلاه ياعصـر مضـى ولشبيب بـن حجنـه ايضـا لي سابق تسبر نجوم الليـل...تبغـا الحرايـب سـرمـدا اخذ الدبش جرعان قدم الخيل...والـرزق سـاع انـه بـدا تبا خشوم عريقيـه والريـل...وتبغـى مــراه وثـرمـدا منقووول |
| الساعة الآن »08:33 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd