عقاااب العنزي =
راعي البستان في وقت الحصادي = غش فبذور الخُضار الموسميه
هل نقول اللي حصل كبودة جوادي = ولا ّ من باب الجهل والعنصريه !!
سعوود العصيمي =
راعي البستان بالعلم الوكادي = نيته وحده ماهي عشرين نيه.
مار لا تمشي معه وانت امتحادي = ثم اشب النار لو النار حيه.
عقاااب العنزي =
انت يالقاضي تجاوزت المبادي = ليت تعدل بين عرعر والحويه
موقفك معنا مهو موقف حيادي = ذمتي منّك يابن عاصم بريّه
سعوود العصيمي =
اترك اللفات عن راع الشدادي =قبل لايقلعك مع مقلع طمية.
موقفي مشهود ماطبه سوادي = مار نية صاحبي نية رديه.
عقاااب العنزي =
انت جبت العيد قدام العيادي = يوم تترك ذيك وتبروز هذيّه
والحقيقه ماحصل فالوضع عادي = دخني بالزور ياكتف الحميه
سعوود العصيمي =
في نهار العيد نعطيك الزبادي = والله انك ماتخارج من يديه.
مامشانا للعرب حسب المرادي = وانت دور لك دواء فالصيدليه.
عقاااب العنزي =
والله انك بعدها ياسعود غادي = مامعك معنا شداد ولامطيّه
ابك انا ذيب ٍ على المرقاب بادي = مير ليتك تحفظ حقوق الرعيّه
سعوود العصيمي =
انت وشبك لاتصيح ولاتنادي = ليش تزعل يوم اقدم لك هديه.
مانت عمده لين اشوف الاعتمادي= من بني وايل ونعطيك البقيه.
عقاااب العنزي =
برج واسمك مانذكر وسط الروادي = منت برج المملكه والفيصليه
تاتشوف الفعل لاصاح المنادي = لكن انشد فالبنوك العالميه .
سعوود العصيمي =
الروادي نصها كله دوادي = يذكرونه فالمناويخ القويه.
كل صقرٍ ينعرف وقت الهدادي = وانته اصبر فوق حد النافعيه.
عقاااب العنزي =
ناركم ماورثّت غير الرمادي = وآحسافه ياللحون السامريه
انت طيّب في صفر وآخر جمادي = مير ياشينك معا عيد الضحيه
!
سعوود العصيمي =
نارنا حية ونارك يالمهادي = وش تسوي فالمزون العقربيه.
كلمتك قدرك وانا سيوفي حدادي = مابقى الاانته تمشيها عليه.
عقاااب العنزي =
انت من قوم ٍ طويلين الايادي = مير فعلك ماهو بنجد العذيه
راحت الاولى مع انسام البرادي = والخوي يقبل هدايا من خويه
سعوود العصيمي =
انت ماترضى قبل قدح الزنـادي=تعترف لاونست لك عشرين كيه.
راجع احسابك ياهالهيس الربادي=ثم علمني بمـا تلقـى شويـه.
عقاااب العنزي =
دام فيك العز يارايـة بـلادي=يوم شفت الحسد فعيون البريه
الرشا وادي واقيرع بعد وادي=مير ياكبر الفوارق فالقضيـه
سعوود العصيمي =
والله ان الحسد اشر من الفسادي=وعندنا الحسـاد مالـه قابليـه.
واحدٍ مشهور في وقت الطرادي=مار الاخر معرفه يمكن لاشيـه.
عقاااب العنزي =
يابو طايل غن دام الجو هادي=مانبا نكشف تخاطيط السريه
الوضيحي مايقارن ببن هادي=وانت تفهم بالامور الداخليـه
سعوود العصيمي =
ياعقاب اسمح لنا حان الهجـادي=عقب دق ابليس وتر السمسميه.
انت شاعر قوم في يوم الجهـادي=لاحتمى الميقاف ندري انك صبيه.
« آخـــر الـــمـــشـــاركــــات »
19-Aug-2009, 05:10 PM
العرض العادي
