سعود العصيمي=
الشطيطي قال له كلمة كتبهـا ماقراهـا=لو قراها قبل يكتبهـا يهـوّن ماكتبهـا
مرها الزير وتعدى يوم مرت ماقتضاها=يوم حض زياد ضواها وحظه ماكسبها.
زياااد الشطيطي=
ما نجيب الا العلوم اللي رفيعٍ مستواهـا=والعلوم الهابطه عيّا ضميـري يقتربهـا
كل نفسٍ حسب ما جادت تبا تاخذ جزاها=ناس نحسبها وناسٍ يالعصيمي من حسبها
سعود العصيمي=
النجوم اللي تشعشع كل ليلـة فـي سماهـا=حربها صعبٍ على اطيب منك وشلون اتغلبها
من يدينك تجرح خدودك ولاتعـرف دواهـا=والمعادن فضها وانحاسهـا ماشبـه ذهبهـا
زياااد الشطيطي=
النجوم اطرف سحابه لو تليّم من لقاها=مار تبقا شمسنا ما خلق مخلوقٍ حجبها
من يديني قلتك بنشدك من غيري كواها=مار عاده فيك تكحل عينك وتعمي هدبها
سعود العصيمي=
شمسكم نص النهار اتغيـب مشهـودٍ علاهـا=ديرة الدوشان صبحا قولـي وشهـم عربهـا.
ماخبرنـا الحنظلـة تثمـر ولايطعـم حـلاهـا=وانت في قلتك كم ضربة وانا اطيب من ضربها.
زياااد الشطيطي=
ما انت كفوا للفعل من شان بالفعل انتباها=وانت راعي خلفةٍ تمسح علاها وتحلبها
لاترد السالفه صاحبك ما بعـده نساهـا=دوننا تبرد يدينك مزريـه تفتـل شنبهـا
سعود العصيمي=
ناقةٍ من ذود عبدالله ولاهوب برضاهـا=الغنايم من مطير وخلفها اكثر من جنبها.
لاتلخبط فالعلوم ولاتجنب عـن سراهـا=السؤال من الاجابه والاجابه وين جبهـا
زياااد الشطيطي=
لا تحلي خلفتك ما فيـه فالدنيـا حلاهـا=راسها انجس ياوجيه الخير من ملوى ذنبها
احددانا ما تريّح ليـن مـا نلعـن ثواهـا=لامتى واصحابنا العتبان من جاها غصبها
سعود العصيمي=
كان فيها شي مماقلت من بيرك وماها=من نذالتكم يجوز يصيب ناقتكم جربها.
انت خلك في ذرا شمر وتذريك بذراها=إدفع الجزية وكمل للطنايا في طلبهـا.
زياااد الشطيطي=
لو تموت اصحابنا ما تنضف المويه يداها=ان مسحها يا عتيبه وان حلبها وان ركبها
انت ما تذريك كل الناس منـا بومراهـا=نذبحك سوات شاهٍ موتها صـار بسببهـا
سعود العصيمي=
ليش حبة بندقك قامت تحادى عـن نحاهـا=الدليل مطير منّـا ماتقـوم ابهـا ركبهـا.
الكلام بلاش واللـي وجههـا كنـه قفاهـا=ربعك اللي من سهوم ربوعنا تشكي عطبها.
« آخـــر الـــمـــشـــاركــــات »
14-Jun-2009, 07:31 PM
....
العرض المتطور
