سلطان الجذع=
يامرحبا حيا الله العتبان عتبـان الكويـت=على مواجيب الرجال وفالها وعقالهـا !!
يابو مطر في تالي الهجره طلع لسبيّت بيت=لكن عساه من البيوت اللي يظل ظلالها !!
سعد العصيمي=
دام البقا بك ياجذع وانا نويت اللي نويت=ارفع نظر عينك وحث الخيل ياخيالها .. !!
ابوك زار سبيت ياسلطان وانته ماظنيـت=والله ولا اللي مايثمن كلمتة لاقالها .. !!
سلطان الجذع=
والله لااعلم شايب الديمن علـى بنـت السبيـت=قدام توخذ ...صبح ... ياخذ من عصيم حبالها !!
انته مثل مااعطيت ابوي العام من عندي خذيـت=يعني بلاش تمن لك عطـوىً خذيـت بدالهـا !!
سعد العصيمي=
اما غدا ثوبك نهار المعركـه ولا غديـت=مالي ومال اللي تدور غلبها بموالهـا .. !!
انا احسبنك ناسي الموضوع واثرك مانسيت=تعقد حبال المشكله ويحلها حلالهـا .. !!
سلطان الجذع=
من بعد مطلق مات فالشعار من يقنع ثبيت ؟؟=نجومها عشرة ولاهي بالعوض فهلالهـا !!
ماعاد باقي لك على البيداء مع الركبان صيت=مير احمد الله لاضويت بغترك وعقالهـا !!
سعد العصيمي=
ياللي حرثت القبر لكن لاهدمت ولا بنيت=جنايز اموات المعارك جعل فالك فالها .. !!
ياكم حسنّا بك لحا واشناب ياموس الجليت=ماهمنا الجذعان لو ترسل صغار عيالها .. !!
سلطان الجذع=
ياللي قبل وقت الوقيعه فالدجا الداجي سريت=الله يخلي يالعصيمـي لللـزوم رجالهـا !!
ان كاني حاصل شئ من يمك تراني مادريت=اللي نعرف أن المنارة ماتفـوح دلالهـا !!
سعد العصيمي=
الذيب يسري للعشا ياللي عن الذيب انزويت=اعطيته الصيدة وخلا كبدها وطحالها .. !!
العرق ينبض والحيا قدام وان كانك حييـت=تقلط مع الريجيل منزالك مثل منزالهـا .. !!
سلطان الجذع=
أذكر صدى الماضي وروح اسمع خلف وابن نحيت=اللي سنه ندعي علاها عندكم يدعـى لهـا !!!!!
العرق ينبض ياسعـد لكـن قلـب الحـي ميـت=تمـرك الاسـرار فـوج وفـوج ماتصحـى لهـا
سعد العصيمي=
على ولد عمك واخوك من الرضاعه مادعيـت=انا ادعي الله يبقي الروقه ويصلح حالهـا .. !!
انته نزلت الهاوية وانـا علـى العليـا رقيـت=مالوم عينك ماتشوف هضاب أجا واجبالها .. !!
سلطان الجذع وسعدالعصيمي
بيض الله وجيهكم
وصحت السنتكم وطاروق راائع
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|
« آخـــر الـــمـــشـــاركــــات »
12-Jun-2009, 12:07 AM
العرض العادي
