سعودالعصيمي=
السعيدي تالي الايام حـوّل مـع مطفـه=شد من ديرة هذيل وحل في ديرة مطاري.
مادرى ان الجرب قبل الحول تعديه وتدفه=في بحر يغرق به السباح وتغرق الهواري.
فواز السعيدي =
السعيدي من خنادف بـدّ علـم وعلـم خفّـه=يالعتيبي ويش حدّك للهبوط الاضطـراري !!
العصيمي يحسب ان الرّجل فالماقـف مهفّـه=بلّغه مرزوق ابن حمدان عن طعن الشباري !!
سعودالعصيمي=
الهبوط الاضطراري فيك ي اللي فيـك خفـه=كان هذا طبع خنذف مالهم غير السـواري.
العصيمي مكرمٍ شاربـك وان زليـت حفـه=ياعوين ابليس مالك فالمواقف خصم غاري.
فواز السعيدي =
نستشفّ الطّيب من وجه الكرامـه نستشفّـه=وان كشفتو علم سرّي لايزال البحث جاري !!
الخبر ماغير واحـد مـدّ يمّـي نـص كفّـه=ثم اخذمنّا مـلا كفّـه وممشاكـم مـداري !!
سعودالعصيمي=
ان نقص طيبك تعال اطلب من عتابه ووفه=مالك الا نكمل الماجوب ونضد الغـواري.
كان ناسي ماذكرنا في زمـانٍ فيـه لفـه=مالك الا اذكرك وافحصك عند الاستشاري.
فواز السعيدي =
ياسعود العلم ماهو دقّ زير ورقـص زفّـه=البلا فاللّي يحذف القوم في سود الغداري !!
قلت لك من عام الاوّل طفّ جمر العود طفّه=قبل لاتزعل هذيل ويمتلي باب الطّواري .
سعودالعصيمي=
انت لو وزنك على الميزان ماميلـت كفـه=مايجيك الميل منا وانت غافل مانـت داري.
انته اولابـه وخنـذف كـل رجـالٍ وشفـه=واحمد الله واسترح واشبع من الرز البخاري
فواز السعيدي =
اربط المجنون ولاّ حطّ محضر في ملفّـه=قبل لايعديك وتضلّي معه تحت الكباري !!
والله ان الخندفي مسلم وله مذهب وعفّه=وان بلاه الله بعيّه حطّ فالعيّه مـواري !!
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|
« آخـــر الـــمـــشـــاركــــات »
12-Mar-2009, 04:47 PM
العرض العادي
