النشمي
ياربعنا المعنى سلـوك الكهربـه وسلـوك مـاس=وان جا التماس الشيخ ابن سرحان يالربع السبب!!
انته يابن سرحـان تبغـا فتـح ماتبغـا حمـاس=تدعم بني صهيـون واتقـول الخيانـه فالعـرب!!
ابن سرحان
يالربع انا ماني من اللي تخدعه خمس الحواس=اشوف واسمع مير الي وقفه ليا عـز الطلـب
والنشمي اليا ضاق صدره قال هذا اختلاس !!=مايدري ان اللعبه اكبر من دعايـات الغضـب
النشمي
افتح عيونك وانتبه فالدرب يغشاهـا النعـاس=وأسلك طريق الخير يارجال جوز من النشب!!
العلم واضح مثل عين الشمس مافيه التبـاس=وانته معك علم وخبر فجماد مدري في رجب!!
ابن سرحان
الصمت خير من الكلام ان كان ماغير اقتباس=وان كان يالنشمي صملت انحر مكافحت الشغب
الوقت ضايع وانت جاي اتطلع الكوره تمـاس=الليله الليلـه يتـوج حامـل ٍ كـاس الذهـب
النشمي
لاتخلط السم الذحاح مع الدسم فـي جـوف كـاس=يالي تشب النار الـك شهريـن وتلـم الحطـب!!
اعزم ولد مشعـل وذك مـن الغنـم ميتيـن راس=وان ضاق ابن عباس قول ارضيك في هذا الشنب!!
ابن سرحان
المشكلة ماتدري انك عرضـة ٍ للافتـراس=انته تربيلك وحوش ٍ جالهـا راس وذنـب
كل ٍ بعينه شاف بوش انهايته تحت المداس=وان قالها الله يلحقه باراك ملعون النسـب
النشمي
يامطيب الدله ليا جا كيفها يجلـى العمـاس=خل المعاني بيني وبينك على حشمه وأدب!!
بين العرب والله مانرضى المشاكل والحساس=والدم واصل عند أهل غـزه لياحدالركـب!!
ابن سرحان
حرارة الجو كل يوم اتزيد لجل الاحتبـاس=كلام نسمعبه مع اهل الفيزيا ء ياللعجب !!!
والمشكله لا صارت الاسهم فوضع الانتكاس=حتى وصلنا مرحلة لا فيه عرض ولا طلب
النشمي
شافوك مع محمود لازم في يدك خنجر وفاس=والشيخ خالد منتصيكم لازم السيف الحدب!!
واللي يقابل للسيوف ولامعه درعاًً وطـاس=والله ليهزم بين جمع الناس ويعود غصب!!
« آخـــر الـــمـــشـــاركــــات »
16-Jan-2009, 08:28 PM
العرض العادي
