مانبي نـصوت لسعود

[مركز المعلومات]

اخواني زوار المنتدى اسعد الله مسائكم بكل خير , لاحظت من متابعتي لمواضيع الاخوان المطروحه في المنتدى وخصوصا وبالتحديد شاعر المليون . واسد الهيلا سعود الحافي .ان اكثر الناس مصاب بأحباط بمعنى اخر خايف يصوت ومايطلع سعود .والسبب الصدمه من نسخة شاعر المليون الاولى يوم كان التصويت ليوسف .لاكن انا اشوف هذا غير مبرر انك تفزع لابن قبيلتك وتصوت لو خمس رسائل من جوالك. وتجدد الامل من جديد لان بالامانه انا وغيري الكثير نشوف ان سعود يشرف بكل حالاته من ناحية حظوره والقاءه وجودة المعنى والفكره . وعتيبه بفضل الله من اكبر القبائل واهل الشعر والمواقف . ولو يطلع خمس رسائل من كل جوال عتيبي والله ليوصل المرحله الاخيره بدون شك .لاسف انا اشوف القبائل الاخرى بيض الله وجيههم يصوتون لسعود ومتحمسين اكثر من اخوانه ابناء القبيله. ومن مايزيد الحزن ان فيه ناس يقولون مانبي نصوت وليش نصوت .مارايح نشوف الا ماصار ليوسف. وانا اقول غلطانين يوسف غلطه لن تتكرر في هذا العام وكل التوقعات والاحتمالات الكبيره ان البيرق سعودي ان شاء الله هذي السنه . ليش مايكون عتيبي بيرقنا ونرفع روسنا بسعود وهي مرفوعه. ليش نحاول نحبط معنويات اخوننا المصوتين . من المفروض اللي مايبي يصوت مايحرض الغير على عدم التصويت هذا اخوكم ومحتاجكم بجنبه ومحتاج وقفتكم . ولا يمكن لاي شخص انه يقول ان فيه منهو افضل من سعود في نسخة هذا العام من غير قصور بالقبائل وشعرائها . وانا مااقول الجميع محبطين فيه ناس لهم مجهودات جباره . ومتحمسين وجادين في فزعتهم ووقفتهم واذكر منهم اخوي العابر وناس غيره بيض الله وجيههم .سعود بيض وجيهكم ياعتيبه ورفع روسنا وتأهل بجداره خلوكم حزامه في الجاي ولا رايح يخيبكم بشعره وموهبته النادره . وماأبي اطيل عليكم لاكن كلي رجا لخواني من عتيبه الهيلا مايحاولون يحبطون معنويات المتحمسين ويشوفون غيرهم من القبائل كيف يصوت لولدهم وشاعرهم . صوتو والله والله لو خمس رسائل من كل جوال عتيبي ماتشوفونه الا متصدر كل مرحله وهو متصدر بشعره الله يوفقه ويبقيه وكلنا سعود اليوم وكلنا الهيلا .

آخر تعديل مركز المعلومات يوم 11-Jan-2009 في 12:31 AM.