الشاعر القدير/ ابن سرحان الثبيتي ضيف كرسي الأعتراف لهذا الأسبوع

[محمد بن غازي]

بسم الله الرحمن الرحيم



بسم الله والحمد لله رب العالمين والصلاة والسلام على أشرف الأنبياء والمرسلين سيدنا محمد وعلى آله وصحبه أجمعين ...


أبناء وأعضاء الهيلا الأعزاء مساء الخير وكل عام وانتم بخير .... نعود بحلقه جديده من حلقات الموضوع الأسبوعي المتجدد (كرسي الأعتراف) مع ضيف عزيز وشاعر قدير ذا تجربه شعريه ثريه وجزاله متناهيه ... أنه ..>>>>>>>>>>>>>

>>> الشاعر القدير /ابن سرحان الثبيتي

الذي حرص أخي/ ابو مرحبا على أستضافته ولكن بعد إلحاح مني تم السماح لي بأن اكون أنا المضيف لضيف عزيز ومتميز ...

وجدي على خمس ٍ ليا صار ماصار=هي شف بالـي مـن حيـاة شقيـه
الاوله قلب ٍعلـى الضيـم صبـار=لجل الرفيق اللي يـدوس الخطيـه
ندمح خطـاه ولانبـا منـه معـذار=ولا العـدو نسقيـه كـاس المنيـه
لابـد ماينـدم وتاتيـه الاخـبـار=بكـره و ترميـه الليالـي علـيـه
والثانيـه ربـع ٍاجاويـد واخيـار=مقعادهـم فالنفـس لــه قابلـيـه
يازين مقعدهم علـى شبـة النـار=اليا اعتـزوا كـل ٍينـادي خويـه
في خايع ماديس من عقب الامطـار=ماغيـر ماطـا جيبهـم فالثنـيـه
والثالثه شي مـن الكيـف مختـار=مشراه غالي قيـس ربـع الوقيـه
في دلـة ٍ يعبالهـا هيـل وابهـار=هي منـوة اللـي يعشـق الشاذليـه
فنجالها جـاب المدايـح والاذكـار=كنـه دوا لـلـراس فالصيدلـيـه
والرابعـة نـوق مجاهيـم وابكـار=تسعين من غيـر الفحـل والمطيـة
مسراحها يشوق وايسـر الانظـار=ماكنهـا الا عسكـر ٍ فـي سريـه
اشوفهـا تسـوا ثمانيـن قنـطـار=امن الذهب في خزنـة الصيرفيـه
والخامسه سيارة ٍ جيـب فكـس آر=امواصفـاتـه كلـهـا عالـمـيـه
من ديرته تلقى على وجهه اغبـار=آخـر موديـل مـورد ٍ فالحـويـه
لا ضاق صدري ثم اخذت به مشوار=ادله ويسلى خاطـري فـي شويـه
ادوج بـه بيـن الفيافـي والاقفـار=ماغيـر انـا والطيـر والبندقـيـة
هذا طرات الروح ياطيـر سنجـار=لو الشعـر ماعـاد لـي فيـه نيـه
من بعد ما صار اله فالسوق تجـار=اتبيعـه وتشريـه صبـح وعشيـه
لكن ليـا جـاء للتماثيـل بيطـار=ماتنطفي نـاره مـع الوقـت حيـه

مقتطفات من أحدى روائع شاعرنا ....

مرحبا يابن سرحان وحياك الله في مجلس الهيلا بين الأخوه وأبناء العمومه نتمنى لك طيب الأقامه على كرسي الأعتراف ...