وجدي على خمس ٍ ليا صار ماصار=هي شف بالـي مـن حيـاة شقيـه
الاوله قلب ٍعلـى الضيـم صبـار=لجل الرفيق اللي يـدوس الخطيـه
ندمح خطـاه ولانبـا منـه معـذار=ولا العـدو نسقيـه كـاس المنيـه
لابـد ماينـدم وتاتيـه الاخـبـار=بكـره و ترميـه الليالـي علـيـه
والثانيـه ربـع ٍاجاويـد واخيـار=مقعادهـم فالنفـس لــه قابلـيـه
يازين مقعدهم علـى شبـة النـار=اليا اعتـزوا كـل ٍينـادي خويـه
في خايع ماديس من عقب الامطـار=ماغيـر ماطـا جيبهـم فالثنـيـه
والثالثه شي مـن الكيـف مختـار=مشراه غالي قيـس ربـع الوقيـه
في دلـة ٍ يعبالهـا هيـل وابهـار=هي منـوة اللـي يعشـق الشاذليـه
فنجالها جـاب المدايـح والاذكـار=كنـه دوا لـلـراس فالصيدلـيـه
والرابعـة نـوق مجاهيـم وابكـار=تسعين من غيـر الفحـل والمطيـة
مسراحها يشوق وايسـر الانظـار=ماكنهـا الا عسكـر ٍ فـي سريـه
اشوفهـا تسـوا ثمانيـن قنـطـار=امن الذهب في خزنـة الصيرفيـه
والخامسه سيارة ٍ جيـب فكـس آر=امواصفـاتـه كلـهـا عالـمـيـه
من ديرته تلقى على وجهه اغبـار=آخـر موديـل مـورد ٍ فالحـويـه
لا ضاق صدري ثم اخذت به مشوار=ادله ويسلى خاطـري فـي شويـه
ادوج بـه بيـن الفيافـي والاقفـار=ماغيـر انـا والطيـر والبندقـيـة
هذا طرات الروح ياطيـر سنجـار=لو الشعـر ماعـاد لـي فيـه نيـه
من بعد ما صار اله فالسوق تجـار=اتبيعـه وتشريـه صبـح وعشيـه
لكن ليـا جـاء للتماثيـل بيطـار=ماتنطفي نـاره مـع الوقـت حيـه

المشاركة الأصلية كتبت بواسطة الخليدي القثامي (المشاركة 791589) أرررررررررحب يابن سرحان حياااااااك الله معنا هذا الأسبوع

المشاركة الأصلية كتبت بواسطة نواف العصيمي (المشاركة 791665) الشاعر القدير .. والرائع المبدع .. العملاق .. ابن سرحان .. حياكـ الله مراراً وتكراراً .. لـي عوده لاحقاً.. ,,

المشاركة الأصلية كتبت بواسطة محمد المنصوري (المشاركة 791668) يامرحبا ياابن سرحان . لي عودة ابي ادور لك اسئلة صعبه ماهيب اختيارات ولا صح وخطا هههههههههه