زيد نص وشيل نص وخل للدعوى خلاصة

[رعد الروقي]

لم اكرر اي قافيه والناس لها عيون وانا مسكين لا تظلمني



وبالنسبه لك جبت حراصه وهي لاتمشي لانها من حرس يحرس

وكررت يقص ومقص وقصه وهذي مافيها شقر ابداً

الشقر


مثل نصه يعني نص الشيء ونصه يعني نص المقال



على كلً بيض الله وجهك يافواز ونلتقي على خااار




ولا تعلم احد استر علي الله يسترك

آخر تعديل رعد الروقي يوم 15-Aug-2008 في 01:14 AM.

[فواز السعيدي]

تصبح على خير اخوي الشاعر العمدة


تشرفت باللعب معك


وتصبح على خير اخوي معجب وكل اللي تابعونا


واعذرونا يالربع

[معجب العتيبي]

فواز السعيدي

زيد نص وشيل نص وخل للدعوى خلاصة=وان فهمتو زبدة الموضوع مانتم حول نصه
ياعتيبة عن هذاك العلم مافيه انملاصه=شجرة الزقوم قصتها مع اهل الدين قصة

العمــــــدة

فلسلفة سواق باص من الفجر في ظهر باصه=تختلف عن فلسفة مبدع تعب في حبك نصه
العتيبي مــا اختلف ممشاه والدين اختصاصه=وانت ربعك مالهم في تركة الامجاد حصه

فواز السعيدي

يالله استر لايجي في عمدة الحي انقراصه=عقب ماشاف الهذيلي غص له فالحلق غصه
عزك الله يابلاد(ن) تحرص المومن حراصه=يوم راس الشر يومي جاه قصاص(ن) يقصه

العمــــــدة

السعيدي لو بغيت ارميه مايسوى الرصاصه=ماكسب فعلً جميل ولا جلس وسط المنصه
لا تقنــّص في ديار السبــــع مافيها قناصه=وان لقيت احـدن من الهذلان يافواز وصه

فواز السعيدي

العتيبي مايغادر لين نلوي فيه شاصه=وان برك للحمل ماله غار في ظهره نشصه
المعاني جيبها والجدر كمل له خصاصه=صاحبك يقصد هذاك الخاتم اللي طاح فصه

العمــــــدة

العتيـــبي ذيب ما ياقف مواقيف النياصه=والسعيدي حط عصه في محلً ما يخصه
لو نهلت من المجلد ماعمت عينك قصاصه=لين دربيت الحجر مدري على صدرك ترصه

فواز السعيدي

كان صادق لاتحوص ولايجي فيك اختباصه=لين تارد جم ينضح واغترف جمّه ومصه
كيف تضحك يالعتيبي كيف يطريلك هياصه=والزمان اللي مضى محلوق راسك من مقصه

العمــــــدة

السعيدي لو عرف سر البحر يمديه غاصه=لكن يكفيه يلقى له على شاطيه بصه
نلطم العايل وبعض الناس ماهر فالمياصه=البلد معروف تجاره وسمساره ولصه

فواز السعيدي

السعيدي فالمواقف مايجي فيه ارتعاصه=وان لقي له واحد(ن) منجوم في علباه رصه
وين هاذ الهرج يوم ازريق في عينه خواصه=يوم موس القوم حول فوق راسك ثم قصه

التوقيع

[رعد الروقي]

الشاعر الجزل فواز السعيدي


وانت من اهل الخير والشرف لي


والحقبقة انك مصيبه وبيوتك قوية



معجب انت على اسمك

بيض الله وجهك وحقق امانيك

آخر تعديل رعد الروقي يوم 15-Aug-2008 في 01:27 AM.

[صلف الروقي]

العـــــــمــده: صــح الســـانـك وبيض الله وجهـــك مبــدع وعمــده عـلى اسمــك..........


الســعيـــدي: الله لايهــينـك ابداع جميــل وبدعه طيبه,,,,,,,,,,


.
.
.
.
.



أخـوكـم /ًصــــلــــفـ

[رعد الروقي]

حياك الله ياصلف يابن رووق وصح بدنك

[فواز السعيدي]

لاهنت اخوي صلف


وشكرا لمشرفنا الغالي معجب على التنسيق الرائع




تحياتي