معجب العتيبي
هلا يامرحبا بالكبتن اللي ضيّع الكوره=لكنّ الله رحمه وصار فالميدان لعّابه
خذوها بأحتراف وسجلوها تالي الدوره=وكبتنهم عسى الله ياجماعه يخلف اتعابه
كبتن عتيبه
يدوم الك البقا وأهدافنا بالصوت والصوره=وحتى اللي ماهو (معجب) ترانا نكسب إعجابه!!
خذانا حقنا والنفس منهيّه وماموره=وخلّ الفار يلعب ..والاسد غايب عن الغابه!!
معجب العتيبي
قبل شهرين لك سمعه مع العربان مشهوره=وبعد شاركت في كاس الخليج اصبحت فطلابه
مدام الوضع طيب معك والاحوال مستوره=طريقٍ جيتبه ياصاحبي قلي وش اسبابه
كبتن عتيبه
ترى مامثلي الاّ ماجد الكبتن والاسطوره=هذاك اللَّي ليا شاف الدعيّع يحرق أعصابه!!
وانا شبَّكت سلك الكبس لين أنّه ولع نوره=ونور الكبس ياكثر الفراش اللي تلهَّابه!!
معجب العتيبي
انا خابرك مبدع لكن العذال معذوره=لقوا دربٍ كبير وضنتي ماينقفل بابه
ولا ابغى الناس ياكبتن تشمّتبك ومسروره=ترا مايقهر الرجال غير الظلم لحبابه
كبتن عتيبه
تعشى الذيب الأشهب والطيور مراقبه سوره=احد ياطول منقاره واحد ياطول مخلابه!!
لكن المشله شايبكم اللي فوق باكوره=ترى الورعان فالشارع وفالحاره تهزَّابه!!
معجب العتيبي
احد يصعب عليه يقدم المطلوب فحظوره=ولو يرسل يروح ويرجع المطلوب ماجابه
ابو باكور بعض الناس منه اليوم مقهوره=وميقافه تبيّن ياعميلي وانته ادرابه
كبتن عتيبه
يامعجب كم هو حسابك عشان أعطيك فاتوره=أنا الليله بحاسب صاحبي واصفّي حسابه!!
لكنه يوم صلاّ الصبح مارتل ولا سوره=يقوم ويجلس وفرضه ماندري كيف صلاّبه!!
معجب العتيبي
تجارتك انتهت والناس مما جبت مبهوره=وسمعت سوقك المذكور اضن صحيبك اولابه
ما اضنه صعب تسمع صوته اللي زاد بجهوره=وصلاته سلمه ياصاحبي للمجد يرقابه
كبتن عتيبه
ترى موج البحر ماينقصه تسعين ماصوره=وضلع طويق والله مارزاه اللي تلوىبه!!
ونيتك ياولد عمّي قلب راسي بماطوره=ولن علق بواري يقلب التكسي بركابه!!
« آخـــر الـــمـــشـــاركــــات »
19-Jul-2008, 01:49 AM
العرض العادي
