سلطان الجـذع
قم ياخليفة مطلق الليله عليك الركب سار = ياشاعرٍ دعواك مامشيتها بوصولها
أبا انشدك بالله كم لك وانته تراجع شهار؟؟ =مادلنا فوق المجنن غير ضعف عقولها
خليفة مطلق
حنا ليا قمنا وجينا عنك طار النوم طار=ياشاعرِ مانجحتك المدرسه في فصولها
ياعاقل المرّه ثلاثه صدروا فيك القرار=قالو لك ارجع للمجنن واستمع لطبولها
سلطان الجـذع
جيت وحضرت ولا لك الا من يلقيك الفرار = كلمه على صح وصحاح اقولها واطولها
مادام ماقابلت بالوجه الجلي مافيك خاار = زملك مبركها على صم الصفا بحمولها
خليفة مطلق
إن كان صادق حطني في الوجه من عمّك سمار=وافعل وانا افعل والعرب تذكر بكل فعولها
ياطير لوتذن ترى مالك مطير مع الحرار=رفرف بجنحانك وعين الشمس مانت بحولها
سلطان الجـذع
تلعب بك الاوهام يالجاهل مثل لعب القمار =وقفتك مايسري مع رجال الوفاء مفعولها !!
ان كان أنا الطير الموذن فانت طبعاً باختصار = اللي تجي حوله تميّز عرضها من طولها !!
خليفة مطلق
من اول المشوار قالوا يالجذع خلك يسار=والحمدلله قافلتهم عقبتك زمولها
هذا الكلام اللي من اجله عقبوك عن الكبار!=قالوا قزم كيف الجبال النايفات ينولها
سلطان الجـذع
السرج يارجال لو يصلح على ظهر الحمار =قلنا (خليفة مطلق) ,علومه معه مدلولها !!
انته صغير ولايجيك من العلوم الا الصغار = الله واكبر يامهابيل العرب وخبولها
خليفة مطلق
ياللي ركبت الطايره عقب العنا والانتظار=عودت حافي بعد ما ليلى وطتك نعولها
ماانته مقيمني بعد ما قيموك اهل المزار=قالو صفر بعد الاجابه مالقيت حلولها
سلطان الجـذع
حقك علينا في نهار النحر بالسبع الجمار = واللي وطت ,,بنعولها فوقك !! وزولك زولها
أعلم ترى الغربال ماهو حاجبٍ شمس النهار =قفل على بعض العلوم الضايعه بقفولها
خليفة مطلق
في ستار اكاديمي نصيحه رح ودور لك شعار=مالك شداد مع الرجال اللي تعن خيولها
شمس الحقيقه نارها ماهيب مثل ايّات نار=واليا صدمك اشعاعها ستر العرب بهمولها
سلطان الجـذع
مادام مافيها حليب احسن تجود بالصرار =قولوا لراع الناقصه يسكت لاعاد يقولها
مس الحقيقه بينه وانت عليك الوقت دار =ترى الحضارم في زمنها مانفعها فولها
خليفة مطلق
اصرارها عند الزلامي قال ماتروي حوار= واحفى قفاها بالعصى ثم اربعت برجولها
وختامها لاعاد تحجز تذكرتك من المطار=وفر فلوسك والسحب لاتعترض لثعولها
« آخـــر الـــمـــشـــاركــــات »
13-Jun-2008, 02:38 AM
العرض العادي
