خليفة مطلق
سلام رديه قبل لااقول طاروقي تشيب=مثل الجنين اللي قبل يولد وفاته تخطفه
إن كان يامرزوق حاضر عن لزومك لاتغيب=جاوب على ما اقول لوّ إن الاجابة مكلفه
مرزوق بن حمدان العتيبي
ياللي تسلم لا تسلم دام مفهومك غريب = تحية الاسلام رمز السلم ياللي تخلفه
عن ماقفي ياصاحبي ماغيب وانشدني واجيب = والرجل يارجال ماله عذر ساعة ماقفه
خليفة مطلق
ان كان من تسليمنا لاحقك يامرزوق ريب=ارحب عدد ماحج اخوك ابليس في وسط إعرفه
وانا سوالي ماعينت العام من حولك ذهيب=وسمه غفال إيسرّ من بالوصف يقدر ياصفه
مرزوق بن حمدان العتيبي
ماكل من حاول يصيب النادره يقدر يصيب = يالصاحب اللي تصنع المعنى وقافك تعسفه
ذهيبك اللي تطلبه عانه على جنبك قريب = يسعفك في بعض المواقف وانت فيها تسعفه
خليفة مطلق
مادام ما جاوبت سبع الليل اجل مانته بذيب=ياليت هايف عن طريقي رد في الشبك إطرفه
خل القريب انا انشدك عن مالي اللي في الشعيب=حولة لقينا جرة اللي جا وزانه وإخطفه
مرزوق بن حمدان العتيبي
اعطيتك الرد الخصم والمشكله منت بلبيب = يالذيب ياللي مربضه دايم تحت في غرفه
علتك عله والله انه يشفي القلب العطيب = واللي عليه اقناع لابد الليالي تكشفه
خليفة مطلق
ماودنا نخطي ونضرب فوق هامتك الصليب=لكن جاوبني ورقع شق جيبك والغفه
والعله اللي خافيه يمكن ليا شا الله تطيب=الا ليا منك كنيت العلم قلنا لك شفه
مرزوق بن حمدان العتيبي
خطاك كبر طويق ياللي محتوي ٍ عشرين عيب = واللي يبا يبلا عباد الله عسى الله ينقفه
ما اشره على الغاوي ولالي من ورى اشكاله طليب = البحر طامي وانت بالمغراف تبغاتغرفه
خليفة مطلق
والله مانظلمك لو قالو لك الفذ الاديب=اكلت تمري والنخل قصيت عذقه وإسعفه
مانت ببّّحر يادغيلبي لو قالو اشرب ياشريب=دمعة يتيمِ لو تجي في كاس ما ماتنصفه
مرزوق بن حمدان العتيبي
مادام تاكل فالرطب وتنام من فوق العسيب = مرتك ياهذي يانما مره ماهيب مشرفه
انا بحر وانحت صخر من فضل مولاي الرقيب = واللي يبا ينكر فعولي ياعساها تلغفه
خليفة مطلق
ياجعل من عنك ازحفت يادغيلبي والله تخيب=اعطيك من صرف الذهب وانت الهلل لي تصرفه؟!
اجل بحر ميت وتنحت من صخر بيتٍ رحيب=لكن ليتك من فعل يمناك تقدر تسقفه
مرزوق بن حمدان العتيبي
ماقلت هرجك من سعه قلته من اسباب اللهيب = مقهور من فعل الرجال اهل الفعول الموقفه
طولت ياليل الغرايب ياعجايب ياعجيب =هذا الغليم ياعرب يامكذبه يامضعفه
| التوقيع |
يامنتـدى الهيـلا علـى العـيـن والــراس=صــدري وسـيـع ومــن مـعـزتـك مـلـيـان
لبـسـت مـعـروفـك مـثــل ثـوبــي لـبــاس=وزرعت لـك فـي داخـل القلـب بستـان
الله يبـيـض وجــه مــن ثـبـت الـســاس=وحط الـك مـن فـوق العناويـن عنـوان
اســم ومسـمـى خـتــم جـــودة ونـبــراس=يـسـمـع بـــه الاصـقــه ويـــرآه عـمـيــان
مـــــا يـنـتـقـيـم بـالـجــواهــر والالـــمـــاس=ولا يـغــمــره بــحـــر الــقــوافــي والاوزان
::
ديواني من إعداد الزميل/ عمر الدغيلبي ... بيض الله وجهه |
« آخـــر الـــمـــشـــاركــــات »
12-Jun-2008, 12:23 AM
العرض العادي
