ريح العويدي والشعر يشرح اصدور

[معلا إبراهيم الأسعدي]

السلام عليكم ورحمة الله وبركاته
هذه قصيدة متواضعة اتمنا إن تحوز على رضاكم وستحسا نكم

كتبت لي ابيات مـن دون مقصـور=بنات فكـري والقريحـه فخـوره
اعطـر المجلـس ودلالـه تفـور=والعود ريحـه فايحـاة ٍ عطـوره
ريح العويدي والشعر يشرح اصدور=في صدرمجلس شيخ يثبة حضوره
الشعرياشعـار واضـح ومخبـور=تلقاه مـع شاعرمشيـد قصـوره
والشاعراليا شاف جمهوره يـزور=قام يتغزر فـي معانـي بحـوره
تلقاه مع ربعـه وفيـي ٍ ومشكـور=لاحان وقت الجد وقت المشـوره
ياخذ خيار القـول ويطلـع العـور=ما شاور نويـر وسـاره ونـوره
ولاهوعلى تبـع المقفيـن مجبـور=من يتبع المقفين يفقـد حضـوره
وبعض العرب تلقاه لقمه بحنجـور=هرج النقيلي وارثه من عصـوره
لوقال لك مسرور ماهوب مسـرور=ويا كم رجـلا ًدبرتـه المعـوره
لاهوبلا ناصـر ولاهـو بمنصـور=عايش حياته والمشاكـل تـد وره
والرجل لامن جاك شاهد على الزور=اعرف حياتـه كلبوهـا خطـوره
واخلق له المعذارلو منـت معـذور=ابعد عنه يرزقـك خـلاق حـوره
اعلن فراقك للمـلا منـت محقـور=خله يولي واتركـه فـي دبـوره
واشفق على خوت هل الطيب بالفور=وافطن ترايجيك نسخـه وصـوره
تكشف لك الايام ماكـان مصـرور=بخوتـه وامعامـلات وعـبـوره
وافطن زمانـك ياهوالبـال مغـدور=تلقا النعام مخاويـات ٍ صقـوره
وليـا نشدنـا قالوالحـال مستـور=الحال طيـب والعلـوم مخبـوره
ما ينعرف بايام واسنين واشهـور=ماينكشف لك ليـن يأتيـه د وره
واليا إنكشف لك ذروالعين بـذرور=ذرف علومك والمعـان معسـوره
ترا زمانـك فيـه قـادر ومقـدور=والخصم لاتمشي معه حسب شوره
وافطن يجيك من الخصم بيت مقبور=ماتنتبه له ليـن تصـدم بسـوره
هاذي نصيحه والنصيحه كما النور=رفيقك المخلـص واسـه بجـوره
خلك مع الجيران حاضر ولك شـور=احضر مع الجيران وقت الضروره
واحفظ صلاتك مع صيامك وعاشور=وراع المرض عليك حق ٍتـزوره
وللوالدين احقوق والحـق مذكـور=رب الجلال امبينه فـي سطـوره
ابذل جهودك كان تشفق على الحور=امسك سراطه واتزن في عبـوره
النـاس قدامـك وخلفـك بطابـور=مذهول بين الناس فاقـد شعـوره
تذكروا يوم الحشر ياهـل الشـور=شوف الزمن قامت تسابق شهوره
النار يا ابـن ادم ترامالهـا سـور=تاكل خضار العود ومنبت زهـوره
شوف الفلك عان الفلك لف ويـدور=والناس تمشي والعقول مخفـوره
سيطر علاها بليس وابليس مذكـور=يدخل مع الانسان في كـل ثـوره
حدك على دربٍ عن الحق معسـور=ونفسك بحب المال ماهي صبوره
تسابقـو بالوقـت تاجرومتـجـور=وزينت حياتك مالهـا والبـزوره
المال يبني اقصورويكسر اضهـور=النمر ياكـل والطيـور محشـوره
بعض العرب لاصاد بيصيد عصفور=وبعض العرب ماهو بلا قي فطوره

شامان الاسعدي

التوقيع

آخر تعديل معلا إبراهيم الأسعدي يوم 18-Nov-2007 في 07:43 PM.