حنا سوات الحر وقت الصقارة .. عتيبة الهيلا

[فيصل القثامي]

صحح .. بدنك .. يانايف
الروقي .. والجزلة .. انت راعيها . بلاشك
لاهنت .. على تواجدك . ياغالي

التوقيع

[خالد العصيمي]

صح لسانك وسلم بنانك



عزالله ماقصرت بالابيات الجزله


تحياااااااااااااتي

[فيصل القثامي]

صح .. بدنك .. والجزالة
راعيها .. يبن عاصم
لاهنت على .. حظورك
شررفت

..
.

[سعد بن مطلق المقاطي]

المشاركة الأصلية كتبت بواسطة فيصل القثامي

مساكم الله .. بالنور ..
قصيدة .. في قبيلة عتيبة
وشيوخها .. رحمهم الله

حنا سوات الحر وقت الصقـارة = كسابـة الطالـه كعام الغزيـة
كم حلق طاغي ضاق فوقه زراره = يومه تمادى في غـواه وخطيـه
منزالنا في نجد خضنـا غمـاره = يوم القبايل بيـن هـاذي وذيـه
منزالنا في نجد واعلـى ديـاره = جاني بحد السيـف ماجـا منيـه
لاسيقت العطفة يـذوق المـراره = من قابل عتيبـة رجـال الحميـه
تركي ولد صنهات يعرف مساره = حدربنا في نجد نجد العذيه
اقول ابن هندي زعيـم بجـداره = واقول ابن ثابت جزيـل العطيـة
( لاثور الدخان قبس الشـرارة ) = مناحي الهيضـل زبـون الونيـة
ومن قابل ابن فهيد يلقى دمـارة = وابالعـلا يـارد عـدود المنيـه
وخزام من لاقـاه ذاق الخسـارة = وشبيب يلطـم مابـه المرحميـه
وعبيد بن عبود مجد وصطـاره = لايبست الاريـاق حـل القضيـة
والضيط وشليويح عزم وجسارة = وان كانها عـدت كثـار البقيـة
ذولا رجال الدين ذخـر الامـارة = من لايح العارض ليااقصى الحوية
باق الشيوخ ونعم قلتـه جهـاره = جـدن ورا جـدن وباالأبجديـة
مثل المطر لاحان وقت انحـداره = هلت هجوسي من معـان نقيـة
بيتي حبكته يوم زايـن عمـاره = في عزوة بالطيـب دايـم غنيـة
وانا مثل مخلد واتابـع مسـاره = ابيوت جزلـة والمعانـي قويـة
وصلات ربي عد رمـل الزبـاره = على شفيع الخلق خيـر البريـه

وسلامتكم ..
ملاحضة : ( لاثور الدخان قبس الشرارة ) البيت مقتبس
من الشاعر الكبير .. سمران .. عايض القثامي

صح لسانك يالقثامي على هذي القصيده الجزله
ونعم في اللي ذكرتهم ونعم في الجميع والله يحفظك

التوقيع

ديــــــــــــــــواني

[طارق النفيعي]

ضح لسانك يالقثامي على القصيدة الجزلة

ويعطيك العافيه وأبيات رائعه وأنت رجال ٍ كفو

لاهنت وننتظر المزيد والجديد

أخوك : طارق النفيعي

التوقيع

أخوكم : طارق النفيعي

[سلطان بـن ربيــعان]

كفوووو ثم كفووو



لله دررررك


وافيه في كل بيت



لاهنت يافصيل وبيض الله وجهك

[فيصل القثامي]

صح .. بدنك .. ياسعد . ولاعلالاك
زود .. ولالاهنت .. على حظورك ..
شررفت
..
.

[فيصل القثامي]

صح .. بدنك .. ياطارق .. والله يعافيك .. ولاعلاك .. زود
يابن العم
..
.

[فيصل القثامي]

صح .. بدنك .. ياسلطان .. والجزالة..
انت راعيها .. يابن العم
انست .. وشرفت
.

[الاد الكريزي]

فيصل القثامي
صح لسانك واعتلا شانك
وبيض الله وجهك