سعود العصيمي=
يالسميري مامعك يصر وبصيره = وان شعمت النار لاارميك ابلهبها!!
والله ان افعولنا دايم كبيره = وانت من طرقتك ماجيت ابذهبها!!
ماجد السميري=
كان ولينك نويت تشـب نيـره=اعرفك انك يالعصيمي من حطبها
يالعصيمي كان في مدحتك عيره=علّموا مرزوق عنّـا يستحبهـا
سعود العصيمي=
كلمتك تنبي عـن اللـي فالسريـره=نعرفك الكلمة ونعرف وش سببهـا!!
كاسبيـن الطيبـه فـي كـل ديـره=وانت و ش حصلت فالطايف وفي ابها!!
ماجد السميري=
البنادم ما ترى وش فـي ضميـره=اخذ وجه الطّيبـه واتـرك ذنبهـا
الله اعلم مـن يذايـر فالجزيـره=بعد راحت نصف عارب عن عربها
سعود العصيمي=
اتحداك اتحلـف بالله ماغيـره=كلمة ٍ وحده وترضينا وجبها!!
لاتلف العلم وتحـاول تديـره=لحية الرجال يحماها شنبهـا!!
ماجد السميري=
يالعصيمي ما حصل حاجه خطيره =سقت لي مهيّله ماحـدٍ شربهـا
يوم توزيع القسوم مع الظهيـره=ما حوى الجنبين قلي من كسبها
سعود العصيمي=
زلة العاقل مانحسبها صغيـره=دور لدلتك من يقبل طلبهـا.
ماكسبها غيرمن روس العشيره=مدبين القوم لاقلـت بدبهـا.
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|
« آخـــر الـــمـــشـــاركــــات »
03-Dec-2011, 01:24 AM
العرض المتطور
