ميه بيت في حب سلطان

[عناد الشيباني]

والله انـي ماقريت مشاركات الشعراء مير العذر على هذا البيت
اذا سبقت على القافية


..

مرحوم ياسلطان ياسيف شامان
يافخرنا اللي دوم فيـه انتباها..

[فهيد مقعد الرويس]

لو الاخوان المشرفين يرتبون الابيات اللي كتبت حتى يؤخذ حساب القافيه

والله لونكتب ثلاثين ديوان=ماتنحصى مفاخرك في املاها

آخر تعديل فهيد مقعد الرويس يوم 26-Oct-2011 في 11:20 PM.

[طلال ناشي]

0
0
0

الله يجازي راع االاحسان بحسان = أعمال كل الخير يلقى جزاها

التوقيع

يامحمد الشوق يذبح والغلآ سنه = لآ لآ غلآهآ القصايد كيف أغنيهآ شقراً شعاهآ الغرآم وجات مستنه = ما كنها ألا فرسك اللي مربيهآ مشاعري في غلآها مالهآ منه = وآلله لو أشوفهآ لاحب رجليهآ طلآل نـاشي العـآلي talal945@hotmail.com

[طلال ناشي]

0
0
0

راعي يمينٍ كنها غر الأمزان = يمدها ما دور اللي وراها

[سعد بن مطلق المقاطي]

مرحوم ثم مرحوم من قلب ولسان=ياللي بفعل الخير نفسه قضاها

التوقيع

ديــــــــــــــــواني

[مجري الهياب]

يا راعي الوقفات ياحقوق الأنسان=يابو الكرم يمناك ماحصي عطاها
يبكيك عبدالله و نايف و سلمان=وتبكي عليك المملكه يا ذراها

[فلاح الواهبي الشهراني]

سلطان مشبع كل جايع وضميان=ترفع له الايدي بفاضل دعاها

[صارم عتيبه]

اخر ابيات الاعضاء بعد التجميع على النحو التالي

الله يصبرنا علـى مـوت سلطـان=
ويصبر الدولـه ويحسـن عزاهـا =
ياصارم عتيبه عقب موت سلطـان=
عفت الحياة وعفـت لـذة مناهـا =
حي البيوت اللي لفت بإسم سلطان=
ومن شرف الموضوع يلقى صداهـا =
في منتدى الهيلا قروم ٍ وشجعـان=
وتواسي الدولـة وتحسـن عزاهـا =
ما مت باقي حـي ياطيـر حـوران=
ذكراك وسط القلب محـد ٍ نساهـا =
يا صادق النيـة ويانسـل شقـران=
تبكيك رملا ( ن ) تجتهد في دعاها =
عز الله ان المملكة تعنـي إنسـان=
سلطان يا طـب القلـوب ودواهـا =
في منتدى الهيلا زحازيـح عتبـان=
أهل الفعـول اللـي بعيـد ٍ مدآهـآ =
إنعزي آل سعود في كل مـا كـان=
أهل الشموخ اللـي يـذرّي ذراهـا =
راح الكريم اللي به الطيب عنـوان=
وتاه الطريق بنجد وأظلـم سماهـا =
المملكة تنعاك بـدون ٍ وحضـران=
وكل الـدول بشيوخهـا وأفقراهـا =
الموت حق وموت ذربين الايمـآن=
يهدم بيوت ٍ عامـره مـن عطاهـا =
ما هان راسك يابيض الوجه ماهان=
وعيني على عشق البكى وش حداها =
الموت مايعرفـك يـاذرب الايمـان=
ولا أخذ غيـرك وروحـك عفاهـا =
مرحوم ياسمـح المحيـا كحيـلان=
تبكي عليـك العيـن وتهـل ماهـا =
ما ألوم عين ٍ دمعها فوق الاوجـان=
هلت غزيـر الدمـع ممـا دهاهـا =
حتى الحزن خيّم على كل الاوطـآن=
غآب الامير وغاب عنهـا رضاهـا =
يحاضـن الأيتـام شبّـن وشيبـان=
في ماضي الازمآن منهـو غذاهـا =
سلطآن رجل المملكة وأخو سلمـان=
ذكراك تبقى ساطعـه فـي سماهـا =
سلطآن موتك حرك أشعوب وآوطآن=
هـز الـدول بشعوبهـا وسفراهـا =
يالله عسى الفردوس منزل ومسكان=
ينعم بهـا ويشـم نسمـة هواهـا =
مرحوم ياسلطان والـدرب سلطـان=
المملكـة تبكـي ويبكـي حصاهـا =
يا رب انا طالبـك تغفـر لسلطـان=
أعـداد دنيـا كبهـا مـا خـذاهـا =
يامنتدى الهيلا هلا العز والشان=
شعر المشاعر مالحقنا مداهـا=
حثو بيوت الشعر في نضم الاوزان =
يمنا كريم(ن) كرمت في ثراها=
مرحوم ياسلطان ياسيف شامان=
يافخرنا اللي دوم فيـه انتباها=
والله لونكتب ثلاثين ديـوان=
ماتنحصى مفاخرك في املاها =
الله يجازي راع االاحسان بحسان=
أعمال كل الخير يلقـى جزاهـا=
راعي يمينٍ كنها غر الأمزان=
يمدها ما دور اللـي وراهـا=
مرحوم ثم مرحوم من قلب ولسان=
ياللي بفعل الخير نفسه قضاهـا=
يا راعي الوقفات ياحقوق الأنسان =
يابو الكرم يمناك ماحصي عطاها =
يبكيك عبدالله و نايف و سلمـان =
وتبكي عليك المملكه يـا ذراهـا =
سلطان مشبع كل جايع وضميان=
ترفع له الايدي بفاضل دعاهـا=

نشكر جميع الاعضاء الذي شاركونا ونتطلع للمزيد


اخوكـــــــم صارمــــ

[سعد بن مطلق المقاطي]

سلطان اله في قمة الخير ميدان=اللي خلق روحه ياصارم خذاها

آخر تعديل سعد بن مطلق المقاطي يوم 27-Oct-2011 في 09:09 PM.

[سعد بن مطلق المقاطي]

ماخاب من حافظ على كل الاركان=نفسه على نهج الشريعه هداها