سعود العصيمي=
بسم الله الرحمن وامطر ياخيالٍ في سماك=لين الذلول يسيل واديها وتلبس ثوبهـا!!
انته كبير المستوى وانا احمد الله من وراك=واللي تناسب لك تعينها ووجـه صوبهـا.
العازمي=
الخير مقبل يالعصيمي يسعد المولى مساك=ترى المطيه من عصايه ماتلين جنوبها!!
ترى النظام اللي على قبلك مشى يمشي علاك=والكف ماتاخذ ملاها غير من ماجوبها!!
سعود العصيمي=
دام المطية مايلين جنبها ضربـة عصـاك=يعني كذا يالعازمي رحتوا تحت عرقوبها!!
الانظمه قانونها ماشـي علـى هـذا وذاك=والناس اخطابها بحسب افكارها واسلوبها!! !!
العازمي=
اللي يبرهلّي كلامي يالعصيمي مستواك=الارض مانسنس هواها والسوالف دوبها!!
لاتحسبن العازمي لاغبت قطّاع ونساك=مثل الحكومه عزّها بجيوشها وشعوبها!! !!
سعود العصيمي=
تباني اطيعك سوات اللي يطيعك ماعصـاك=ماني زبون الغاديـة والنـاس مارضيوبهـا
ياللي تمسوك لك بمسواك ٍ ماهو مسواك راك=ترا علومك للعرب فكـت عليـك دروبهـا!! !!
العازمي=
ان كان بحر المعرفه ياسعود مايقطع ضماك=اللوم كل اللوم في نفسك وفي عذروبها!!
اللي ومرك العام بامكانه ليا مرّك نهاك=الناس ربّي مايحاسبها بغير ذنوبها!!
سعود العصيمي=
الحق اله قاضي ويقضي لاهواي ولاهواك=العدل فاتح له محاكم وانشدوا منصوبها!
يالعازمي لاوعذابك من زمانـك وعنـاك=الناس تجزا بالعمل واسـرار بقلوبهـا!!
العازمي=
قاضيك . خصمك . وان بغا يعميك ماتاجد دواك=مار استرح وعلومك العربان ماشقيوبها!!
بيت القصيده مع تباشير الطرب عوّد هلاك=ابيات تكتبها وتطري. منخفض منسوبها!!
سعود العصيمي=
ياعيد لاتزعل عساها يابيض الشارب فداك=اهل الوفاء ماتنقص الغلطات من مطلوبها!!
ياللي بيمناك الكريمه قمت ثم غثربت ماك=حنا مانارد للعدود اللي هـذا مشروبهـا!!
العازمي=
عن مجمل الموضوع اباخبر بالذي دار وخفاك = لو هي على وجه السنع كمّلت باقي طوبها!!
لاعاد قدمي يالعصيمي ترتجي فزعة يداك = مافادت الفزعه وابو طايل . هذا. مندوبها!!