طلال بن ناشي=
مادام أبو طايل على قيد الحيـاة ومستنيـس=يسوى قبوله من ذوي ناصر ومنصور اعشره
عودٍ ليامنه زغره ابليس عـوذ مـن بليـس=لأنه يعرف أن الوهايـب والقسـوم مقـدره
سعود العصيمي =
الحمد لله والثناء للي يلبس مايقيس = وانته قبولك كم يبا يسوى من عيال المره.!!
انطاوع ابليس ونطيع امره ليا حمي الوطيس = فيماعدا ذلك من ابليس اتعوّذ وادحره!!
طلال بن ناشي=
يسواك ويسوى معك من ربعك ماشال الأتبيس=ألا فقط عيد ورعـد فـي بـر دارك وبحـره
أن طعت رايه رحت ياسعود العصيمي مع لميس=وأخاف لاتربط يابو طايل تحـت ظـل أشجـره
سعود العصيمي =
علم النقاء من ساعته وان فات مايسوى تميس=وانته كما اللي غب يوم الهوش يذكر بظفره!!!
ان رحت معها مالها الا راس تيس ودر ديس=وان كبرت الدعوى عليك مورده ومصـدره؟؟
طلال بن ناشي=
ياميت النيران لو تظرس مانوحيلـك ظريـس=منت أبزبـونٍ للنقـا والعفـو عنـد المقـدره
أن طعت راي يالعصيمي حط راسك وصط كيس=وطبل على العميا ليا غنـى منيـف المنقـره
سعود العصيمي =
اما تعدل واعتدل والا احمسك حمس الحميس = مالك ومال طويق يوم اتداحمه ماتقدره!!!
ماانت الزعيم اللي لياجاء للوغى نار وقبيس = تمشي تحت رأيه عتيبه كلها وتقدره!!
طلال بن ناشي=
أنا لياغنيت يوم السبت .. رديت الخميس=راحت علومك كلبوها .. هرج مافيه أثمره
مارحت ديرة كلنا عينين في راس ونريس=ماهو بمنا اللي يلقي للمواقيـف أظهـره
سعود العصيمي =
اعطيك در ٍ من لبن ام الجنايـب والعبيـس=وشلون اسوي فيك ماعندي لبن ديس ابقره!!
من يسمعك يقول ابن حيان والا ابن النفيـس=الله يبارك فيك طوّل علمهـا والا اقصـره!!
« آخـــر الـــمـــشـــاركــــات »
15-Apr-2010, 08:44 AM
العرض العادي
