علي العضياني=
يا سعود ما كلّفك ربي بالبعارين الهمل=من كل ديره تجتمع و اشكالها متخالفـه
دايم ليا منّا طردنا مـن مفالينـا جمـل=حمّلت سيارتك ضرمه ثمّ رحت إتصارفه
سعود العصيمي=
ماني براعي للهمل واللي ماله قول وفعل=كلمتك هاذي جبتها من وين ياذا العارفه.
حنا ديرنا وحده والكل منـا معـه ابـل=وانته كلامي عارفه ياعلي بس إتحرفه.
علي العضياني=
من واجبي يوم إنّـي أحقّـق معـك فيمـا حصـل=لكنّ دقّـق فـي كلامـك لا تجيـب الطّارفـه !!!!
أنته عصيمـي ديرتـك سنـام و طحـي و بسـل=في ذا الزمن شيبان ما يدرون ويش السالفه !!!!!!!
سعود العصيمي=
حتى لو إنك مستشار مخصص لهذا العمل==ماهوب من حقك تحقق معي ماش مخالفه.
نتعب على لم الشمل وانته تفرق فالشمـل=الله واكبر ياعلـي نيتـك نيـة تالفـه!!
علي العضياني=
كنّك ليا مرّيتنا فـي دارنـا و أنتـه عجـل=تملك من الجمهور شعبيّه عريضه جارفه !!!!
يا صاحبي من ياخذ الاجره يحاسـب بالعمـل=الله يبارك فالنشاما و الجهـود الهادفـه !!!!
سعود العصيمي=
ماني بعجل العجل علي إن حل والا لن رحل=قلبه نظيف من الحسد لكن لسانه سارفه!!!
انا عملت اعمال وانته ياعلي مافيك امـل=تأكل ولاتعمل ومن يعمل جزاه التكلفـه.!!
علي العضياني=
يا سعود أنا أبعطيك كلمه بس ممنوع الزعل=لومي على اللي في مواقيفه يخلّي ماقفه !!!
يوم العضياني ثبت في ماقفه مثـل الجبـل=أنته كما القرطاس لاهبّت عليه العاصفه !!!!
سعود العصيمي=
اليا زعل علي العضيانـي وجانـا منفعـل=شكره على حد السيوف المذهبات المرهفه!!
ياعلي ماسويّت لك فعـل ماسـواه الرجـل=وارضاك ياعلي العضياني على ماتاصفه!!!