مافي عتيبة مثل شرواك سوى عبر الاجيال .. حاكم لاهنت

[رعد الروقي]

المشاركة الأصلية كتبت بواسطة ابورابح الغنامي

ياليت شاعر روق قدام يبدي روس الاقـذال
يحسب حساب البدو لو تنشده عن وسم ريمه

ياسلام ياحاكم الابداع
صح لسانك يامبدع ولاهان العمده

وصح لسانه

اهلاً يابو رابح

منور ومشرف بحضورك


صح بدنك ولاهنت

[حاكم الغنامي]

هلا هلا

لو كان الك هامه وقامه على البيداء ومنزال =يمدي زمانٍ فات صارت على شانك وليمه
يارعد ابو زيد الهلالي نعرفه من بني هلال =وان قلت مثله كذب والكذب عاقبته وخيمه

التوقيع

سبحــــان الله وبحمدهـ hakem81@live.com

[رعد الروقي]

الله الله

الشاه وفرها ترى ذبحها لرجال الاعمال=ما ينحسب في ذمة الجود يا مال الغنيمة
كثر المراوغ ما نفع يا عريب العم والخال=لكن دور ما يعرّيك من ثوب الجريمة

[حاكم الغنامي]

من عادة الروقه تزيد الكرامه فال وعقال=وش محرمك من مدة الجود يامال الحريمه
بعدين انا ماني مراوغ ولا خاين وختال=قصدي تعيش آخر حياتك ولك هيبه وقيمه

[رعد الروقي]

الجرح يا دكتور جرحك ولا لك معي مدخال=وان كان ما داويت نفسك ترى عينك كريمة
لا والله الا حصت عند الوعد واخلفت الاقوال=واليوم حتى العذر ما مر طيفه فالوسيمة

[حاكم الغنامي]

صح لسانكــ يارعد والى الللقاء

الباب من دون المجاهيل مقفولٍ بالاقفال =تملك مفاتيحه يابن روق لو عندك عزيمه
هذا جزا للي نسانا نبا ننساه فالحال=والسن فيه السن والنصر اخير من الهزيمه

[رعد الروقي]

الله الله


صح لسانك يا حاكم وسلم نبضك ولاهنت


شرفت اخوك والى اللقاء

[مقدام النت]

قاف جميل وحلو

استمتعت بقرائته

صح السان الشاعرين

والابداع ليس بغريب عليهم

..

[عزوز النفيعي]

صحت الألسن ياشعار قاف ولا أروع

[راع ملقا]

صحت الالسن والقلووووب