عقاب العنزي =
نبي نستفسر الرحله بعد ماإخرت ساعات=عسى ماشر في طاقم طيران السعوديـه
يقولون التغت لكن كلام الناس دون اثبات=لكنّ علومها تبقى بمصادرك الخصوصيه
حاكم الغنامي =
تكنسل موعد الرحله وهذي الطايره بالـذات=تبـا تبطـون ماطرتـوا عليهـا يالعليميـه
انا ارسلت الرسايل للعـرب لاكنهـا ماجـات=وانا محسوووب ...ماني محتري لد النظر فيه
عقاب العنزي =
تقوله مير انا حجزي مأكد من زمـان ٍ فـات=وانا ماشفـت زولـك بالافـق ولاّ السياحيـه
ترى المفروض قبل انك نويت تقص بوردنقات=تناظر (باانتظـار القائمـه ) ياطيّـب النيـه
حاكم الغنامي =
يزل اسبوع والثاني وحنا بيـن ود وهـات=واذا ماشفتنـي عنـدك مشاكـل فالقرنيـه
انا ماني سواتك حضرمي ترضيه حزمة قات=مشاريهي كبار وشرهتـي ماهـي بعاديـه
عقاب العنزي =
انا بنشدك عن اللي رفض لايقبل الابيات=ولادري عزوته برقا او ان عزوته روقيه
يامشالله يازين علومكم مع رفعة الاصوات=مشاريهك عسى ماهي مفاعيل ٍ نوويه !!
حاكم الغنامي =
هذاك انته...ولكن حاسب مّع الخّـط واللفـات=تـراك اكلّتلـك عشـرة مطبـات صناعـيـه
عقاب اللي يجي ويروح من بين العرب بسكات=تعـداه المشاريـه وتـعـدا واحــدٍ زيــه
عقاب العنزي =
هذا همك تمشيها علـى ماتحمـل الصدفـات=وحنا اللي تركناهـا قبـل عشريـن هجريـه
عسى لامن دخلت البنك تقدر تصرف جنيهات=لكـن وشلـون ترطـن للعجـم بالانقلنزيـه
حاكم الغنامي =
انا مدري لحـد الآن خصمـي حـي ولا مـات=مغير اهـرج وترجعلـي هروجـي زي ماهيـه
وانا ارطن للجبال الصم وانحت فالصخر رسمات=واميز سكتي واعرف صديقـي مـن معاديـه
عقاب العنزي =
عدوك عام الاول.. صاحبك ذا العام .. بالمكشات=لكن تبقى علاقه في مصالحهـا الضروريـه !!
انا ماكنت احسب انك ياحاكـم لـك 10 نيـات=رشيد تسبه .. وتمدحـه لاشفـت الزلاميّـه !!
تكنسل موعد الرحله وهذي الطايره بالـذات
تبـا تبطـون ماطرتـوا عليهـا يالعليميـه
انا ارسلت الرسايل للعرب لاكنهـا ماجـات
وانا محسوووب ...ماني محتري لد النظر فيه
الله الله
ياسلام عليك ياحاكم
صح لساااانك ولساااان المبدع عقاب العنزي
طاروق كايف
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|
« آخـــر الـــمـــشـــاركــــات »
20-Nov-2009, 10:08 PM
العرض العادي
