سعود العصيمي=
سلام بردةٍ فيها العزوم اتدف ضلع طويـق=وتكسر بيرق الخصم العنيد وتقلع اضراسه.
والا ياكبتن العتبان وحزامي نهار الضيـق=تهرج وانته استأذ الشعروتعـد نبراسـه
كبتن عتيبه =
هلا يامرحبا بـك والتحيَـه حولهـا تعليـق=ماحد يقدر يدَّف طويق من ساسه ليا رأسه!!
مدام أنَّك على هداج تيماء لا يجـف الريـق=تبى تشرب مع اللي يغرفون العد بالطاسه
سعود العصيمي=
ابو جنزير والبكلين يقدر ماتبـا تبريـق=اخذ تعليقك اللي تذكره راسه وكرياسـه.
ابا احقق معك وانت محقق تعرف التحقيق=لياكانك تدوس الراي غيرك ناس دواسه.
كبتن عتيبه =
صحيح مسيلمه كذاب والاّ ابو بكر صديـق=هذي قوة سلام سعود..ولا فعلـه وباسـه!!
ليا عشقت جيبك شرهة الموتر على التعشيق=لا ياقف صاحبي يالين ياصل ربعه وناسه!!
سعود العصيمي=
علامك يالثبيتي كـل شـي تدققـه تدقيـق=ترا النية سليمة والذهب مايشبه انحاسـه.
انا اشوف الطيور اللي عليك بكل ريع تويق=على هيبتك ماهابتك وانته حـر بلباسـه.
كبتن عتيبه =
نوايانـا سليمـه والعلـوم مغلَّقـه تغلـيـق=وحنّا مالحقنا شـك فالشاعـر وهوجاسـه!!
مايطمعنا الصقر شيهان لويطمعكم البطريـق=ترى مسجد حليمه ماختلف جدره ولا ساسه!!
سعود العصيمي=
لابالله نوبٍ مغرب ونوب مشرقٍ تشريـق=لكن الوقت لايدخلك خناسـه ووسواسـه.
انا علمي على سلمي موثق بالوفاء توثيق=ولو تكتب وتقرأ كيف تطلع صاحب رياسه.
« آخـــر الـــمـــشـــاركــــات »
06-Jul-2009, 10:18 AM
العرض المتطور
