الطارف يشرفنا ....... !!

[حفيد سهوم المنايا]

المشاركة الأصلية كتبت بواسطة ّديب عروا

طاير الاشجان صح السانك

وحفيد سهوم المنايا صح السانك

وانا في صفكم يالثنين

اررررررررررحب ياذيب وحضور يكفي طال عمرك

[طائر الاشجان]

الهزيله هزيله والسمينه سمينه = والمعاني تدٌور نقض للي فتلها
لو تذريت عنا فالحصون الحصينه = كان ماثقلت الحمله على الي حملها

[طائر الاشجان]

ذيب عروا


اسفرت وانورت


صح بدنك لاهنت ولاشنت

[حفيد سهوم المنايا]

ياطويرن تغرد فالقرى والمـدينـــــــــه
كان ضامي سقيتك من عدودن زللها

ياصحيبي ترانا عارفيـــن الكنيــــنه
والحمول الثقيله جالها من نقلهــــا

[رعد الروقي]

طائر الاشجان// حفيد سهوم المنايا



صحت السنتكم يا مبدعيـــــــــــن





متابعين معكم

[طائر الاشجان]

طير رفرف جناحه منتم بصايدينه = خل ماك لسواقي مزرعتك ونخلها
اربط الصرٌه الي تحت بطن المكينه = بكره الزيت يفضي مايعشق دبلها

حفيد سهوم المنايا


صح لسانك تشرفت بمجاراتك والاستفاده منك

والمعذره على القصور القلوب صحاح والصدور وساع



النهاية عندك اذا حبيت

تصبح على خير


تحياتي

[طائر الاشجان]

العمده


شرفت ونورت ياشاعرنا الكبير


صح بدنك لاهنت ولا شنت

[حفيد سهوم المنايا]

اثرك الطالب الي دوبنا كاشفينه
الاجابه نساها والدفاتر اكلهـــــا

الله لايهينك اخوي طاير الاشجان ومشكور على اتاح الفرصه للعب معك
وابتدت الملعبه بحروفن من الغلا وانتهت بكامل الغلا كله