عمدة الهيلا مطلوب

[رعد الروقي]

ما ظلمنا حظها ما دامها ماهي حلوبه=سعرها معروف وسط اسواق مكه والحويه
العصا ما تنشقر والبيت طوبه فوق طوبه=يا مفرقة الصفوف اللي تبون الجاهليه

[الأعرابي]

احسبنه مايجي معهم لكن القوم جوبه=بالريال وبالدلال وبالرضا والمكرهيه
المياه الي تحلا مايجي فيها عذوبه=العذوبه ماء المطر خل المياه المعدنيه

[رعد الروقي]

الهبايب والبرودة الحراره والرطوبه=ما تغيّر فاللحم والدم دام النفس حيه
لا تطير مع الهواء الغربي ليا نسنس هبوبه=عادته نقل الخفاف وما نقل حمل القويه

[الأعرابي]

كيف ابا اقنع واحدن قلبه من الراعه سروبه=واحدينن يرفعون اصواتهم ومحانكيه
مانلومك عندك الهم دين وتواجه صعوبه=بينه متعينه لو هي عن الناس مخفيه

[رعد الروقي]

درع جنبك عد له يا صاحبي عشرين نوبه=لا تولعها من اول ليلً حربً عالميه
كل راعي حب لا درنا الرحا نطحن حبوبه=وان رمينا القوم ما يخطي عيار البندقيه

[رعد الروقي]

حان وقت الصلاة


صح لسانك يالاعرابي


شاعر محترف وخطير




تشرفت بك


وتصبح على خار


تقديري لك

[الأعرابي]

درع جنبي واقفن جنب العدا ينفخ ذروبه=أكسب الحسنه ويكتبها مية مليون سيه
من وراهم لاترجا خير مامنهم مثوبه=وهل تصدق لو يقال انه طلع لشمس فيه

[الأعرابي]

الاستاذ رعد سامحني ماشفت ختامك
تشرفنا بمجارات عملاق بحجمك
وشكرا على تلبية الدعوه وتقبل تحياتي

[معجب العتيبي]

الله الله


الاعرابي شاعر مبدع


ولاشك ان مشاغله محرمتنا تواجده



متابعين لك وصح لسانك

[معجب العتيبي]

العمده


لاشك ن حضور محاوراتك

وقراءة ابياتك تعود على المتلقي بكل فائده


حاولت نسخ بيت او بيتين فوجدت نفسي اختار كل ابياتك


صح لسانك

وتواجدك غيررررررررررررررررر