كبتن عتيبه=
على العصيمي ياهبايب ذعذعي من كل صـوب=لا تحرقه شمس الرياض اللّي يروَّع حرّهـا!!
ياسعود أنا انشد عنك حتى مع نسانيس الهبوب=ولا غيّبتـك الاّ الليـال الله يكافـي شرّهـا!!
سعود العصيمي=
حييت يالكبتن وحنا فالشمال وفالجنوب=والعاصمه لابد ماكل العبـاد اتمرهـا.
ابشرك جيتك وابا اتوبك لين انك تتوب=حتى ماتخلط حلوها ياصاحبي مع مرها.
كبتن عتيبه=
ليتك تعوّد يالعصيمي مع جهينـه والحـروب=واليا ذكرت طحي قـول طحـي لله درّهـا!!
عز الله أنك من عتيبه ..صدق رجال محسوب=لكن بعض أحيان ..نص من العلوم اتغرّهـا!!
سعود العصيمي=
اللي سواتي يالعتيبي ماتضيق ابه الـدروب=والارض لوفاضت بحور الارض تغرق برها.
اليا دعانا الامر يالكبتـن نكمـل فالوجـوب=بفعولٍ تشـرف عتيبـه والطغـاه اتضرهـا
كبتن عتيبه=
لن جيت ابا أجاملك قلت الك المعزّه فالقلوب=والاَّ أنت ماحتى قلوب الأقربين اتسرّهـا!!
واشمسك اللَّّي يالعصيمي مايله يم الغـروب=والظاهر أن الليل الأسود للغروب ايجُرّها!!
سعود العصيمي=
معطيك شيكٍ تصرفه واملبسك غتره وثوب=مار احمد النعمه وعينك لاتزيد اتصرهـا.
كلمتك هاذي ياوسيع المعرفه كلمة كـذوب=ترا الرواسي لويهب الها الهواء مافرهـا.
كبتن عتيبه=
مانلبس العاريه وحنّا نغلـق كـل نـوب=حط العمامه فوق رأسك والازره زُرَّها!!
مادام للأرقام نوته..حط نوتـه للذنـوب=واحسب ذنوبك كل ليله ياسعود وسرَّها!!
سلطان الجذع
قادح شرااار
ابن سرحان
يعطيكم العافية
وصحت ابدانكم.