علي فلاح العضياني
يا هاجس الشعر لا تبخل على الفالح بالأبيات = منك أستمدّ البيوت إليا رسمت لك المعاني
حنّا مع ايــــران يا سلطان قطّعنا العلاقات=و أنته مسافر لها فالباخره عبر المواني
سلطان الجـذع
اطلب مدد هاجسك لن قابلك سلطان بالذات = وان كان جمّلك مامثلك وليدة فالمحاني !!
سافرت ابا اشوف وضع ايران واكيل المسافات = الحرب خدعه ,,, وانا عزمت كان الله هداني !!
علي فلاح العضياني
أنته يا سلطان ما شاء الله تجمّلك الدعايات= و أنا أتجمّل بفعلي مع طويلين اليماني
بعد إكشفوك المباحث عند تختيم الجوازت=إن كان سافرت مرّه ثانيه جاء علم ثاني
سلطان الجـذع
بحثت ماضيك يالفالح وفتشت السجلات = ولاشفت لك فعل مره ,, مع فلان ومع فلاني !!
مالك وصايه على الجذعان لن راحت ولن جات = خلك على حالك تحركّك كلمة من لساني !!
علي فلاح العضياني
نسيت ... يالمسرع اللي ما تهدّي للمطبّات= و تقول أنا ما عليّه رابط حزام الأماني
تدرون ليه الجذع راسب في كل الإمتحانات ؟=إليا تركته رسب ... و إليا نصحته ما يداني
سلطان الجـذع
ماني بناسي واظنك لو تراجع فايتٍ فات = تدرك مدى ضيعتك ,, ويضيق صدرك في ثواني !!
مدام هذي علومك ياعلي هيهات هيهات = أليا متى وانت تأخذ عشر وترجع ثماني !!
علي فلاح العضياني
لو إنّ ما هو حرام الضرب فالميّت ليا مات=لاجلدك ... فالكلمه اللي قلتها ... بالخيزراني
يا نجم ياللي تدرّق بين الانجم فالمجرّات=اللي يروس النجوم الجدي و سهيل اليماني
سلطان الجـذع
فالواقع( الارض كورة من تحت سبع السموات ) = مشهد ,, لشئ من التفكير يالثعلي دعاني !!
اصحابي اهل الشعر في موقع الهيلا مقامات = وان كان ماني بالاول شرط لاترك لك مكاني !!
« آخـــر الـــمـــشـــاركــــات »
21-Apr-2009, 09:23 PM
العرض العادي
