كل مايتعلق بشاعر قلطة الوطن محمد غازي النفيعي تجدونه هنا

[محمد العتيبي]

بيض الله وجه ابو غازي

ونتمنى له التوفيق والسداد ..

لاهنت ياطارق
...

التوقيع

للتواصل عبر twitter تويتر al_bargawy@

[طارق النفيعي]

محاورة الشاعر : محمد غازي العتيبي مع الشاعر : سعود عبد الله الرشيدي

في برنامج قلطة الوطن في الحلقة الثانية ..

الطاروق الأول :

سعود عبدالله الهطلاني الرشيدي

هلا يامرحبا باسم الشجاع مكمل المطلوب = خليفه طال عمره معطي الشعار واجبها
انا شاعر وادور شاعرٍ مثلي يسد النوب = على سلم الرجال اللي رفيعاتٍ مناصبها

محمد غازي النفيعي العتيبي

يدوم الك البقا باسم السعود بكل صوب وصوب = رجال المجد والتاريخ دايم نستعز ابها
يجيك اللي عن اهل المعرفه والطايله مندوب = وحنا نعطي اهل المعرفه دايم مناصبها

سعود عبدالله الهطلاني الرشيدي

سرينا يالعتيبي والسلامه حبلها مقضوب = بعد ماتت حيايا الارض لاتامن عقاربها
عيال الروم قوم ومالهم في الجامعه منصوب = ثمان اسنين محسوبه تطالبني واطالبها

محمد غازي النفيعي العتيبي

توكل وانت جايك واجبك يلي تبا الماجوب = لكن المزنه للهحين مابانت نصايبها
عيال الروم قومٍ ينصبون الطوب فوق الطوب = وقايدهم عن الغارات دايم ما يجنبها

سعود عبدالله الهطلاني الرشيدي

بعد راحت علوم ايوب ماتحتاج صبر ايوب = رصيدك في حسابك والضماير لا تعذبها

الطاروق الثاني :

محمد غازي النفيعي العتيبي

على خليفه راعي الوقفات والمد الجزيل = سلام تسليمه وفا لاهل الوفا نبدابها
الادمي لو زل عمره ما قبس نار الفتيل = فاته قطار العمر يوم النار من شبابها

سعود عبدالله الهطلاني الرشيدي

نقولها للي حضر والليله الماقف جميل = يامرحبا واهل المعاني مايضيع احسابها
لولا المواقف كان ما بان الشجاع امن الذليل = واهل المواقف المواقف سجلت كل العبر بكتابها

محمد غازي النفيعي العتيبي

كان الرشيدي بعد عمره ذاه ماعنده حصيل = والله ليبطي بندقه ماوكدت مضرابها
بنت الهلالي تذبحك ياخوك بالطرف الكحيل = لكن ما ترضى كذا بصحاب غير اصحابها

سعود عبدالله الهطلاني الرشيدي

اللي على عد الروى يعرف وش الحبل الطويل = واللي مكلف في مهمه دايمن يشقابها
بنت الهوى دون الحقايق والمعرفه والدليل = واهل المعرفه ياولد كل الحقوق اولا بها

محمد غازي النفيعي العتيبي

وين اختفى موتر قديمٍ من قديمات الموديل = يالله يا ستار تسترلي على غيابها

التوقيع

أخوكم : طارق النفيعي

[تركي النخيش]

يا سلام عليك يا طارق علومك كلها طيبة

وصح لسان شاعرنا وبالتوفيق

[أبونواف]

صح لسان الشاعر محمد غازي
وبالتوفيق أن شاء الله مشكور ياطارق على النقل الجميل .

[معجب العتيبي]

ماشاء الله عليه ..

عز الله ابدع وتميز بتلك الليله وأضفى للبرنامج

الجماليه ومتعة المشاهده ..

الله يوفقه
...

التوقيع

[طارق النفيعي]

شكرا ً لتواصلكم ولاهنتم جميع ..

[طارق النفيعي]

بسم الله الرحمن الرحيم ..

أسعد الله أوقاتكم بكل خير أحبتي ..

نتواصل معكم بالتغطيات لحلقة برنامج " قلطة الوطن " في نسخته الثانية

ونقدم لكم محاورة الشاعر : محمد بن غازي النفيعي العتيبي مع الشاعر : سعود عبد الله الرشيدي

طبعا ً للأمانه ولحفظ الحقوق المقاطع منقوله من منتديات كويت80

وشاكرين لهم جهودهم ..

الطاروق الأول :



مشاهده

اضغط هنا

تحميل للجوال

اضغط هنا

الطاروق الثاني :



مشاهده

اضغط هنا

تحميل للجوال

اضغط هنا

للمعلومية :

رقم الشاعر محمد غازي النفيعي هو " 6 "

وللتصويت للشاعر محمد غازي النفيعي أرسل إلى .

السعودية:

الأتصالات( stc ) ـ 83314

موبايلي 6859

الكويت:

زين 90900

وطنية 1689

[طارق النفيعي]

شكرا ً لتواصلكم ولاهنتم جميع ..

[طارق النفيعي]

بسم الله الرحمن الرحيم

مدخل :

يا عتيبه مانوصيكم وصاه = المواقف والفزايع طبعكم
ابنكم في وقفته قرب لقاه = ذاخر كسب اللقا من فعلكم

الشاعر : محمد غازي النفيعي العتيبي كان له مشاركة في برنامج قلطة الوطن في دولة الكويت الشقيقة يوم الجمعة الماضي
وكان قد لعب مع الشاعر : سعود عبد الله الرشيدي وهذه الطواريق اللتي كانت بينهم :

الطاروق الأول :



الطاروق الثاني :



وللتذكير أن أعلان الشاعر الفايز والمتأهل للمرحلة القادمة سوف يكون الجمعة القادم

ومع أقتراب العد التنازلي وقرب ساعة الحسم أردنا وضع هذا الموضوع البسيط
وهو أعتبره أقل من الواجب تجاه شاعرنا الذي أنتصاره وتأهله يعتبر أنتصارنا لنا جميعا ً ..

هذه القصيدة قالها الشاعر الحويماني :

سلام يااهل الجود والوقفات والخير الفضيل=واهل الجمايل مايسجل غير طيب افعالها
ما يارد العد العذي غيراللذي حبله طويل=وانتم حبال المعرفه في دقها وجلالها
الحمل لامنه ثقل شلته على غارب شعيل=واليوم ماعاده شعيل اليوم فعل رجالها
محمد الشاعر قبس فاالملعبه نار الفتيل=والنار من شبابها والخيل من خيالــها
ياكلمتن بااقولها من خاطري والله وكيل=قبل المنايا فوق راسي تبترم بحبالـها
تكفون ياالهيلا عتيبه ياهل المد الجزيل=تكفون والفزعه ترا غير العتيبي مالهـا

وهذي القصيدة قالها الشاعر : شداد بن عبدالهادي بن كليب المحياني

يــامـحـمد عـلـى العلــيا رقــيـت= تــدحـم الشـعـار بالجنــب القــوي
سمعتك من الحجاز إلى الكويت=وفـي عـلاوي نـجــد جـايـلـك دوي
واصل الدرب الطويل اللي بـديت=وشد حيلك في الطريق المستـوي
ولا يهمـك مـن يكون إليـا نويـت=والـخـصـم فـالـمـلعبــة ازوه زوي
انـت مـثـلـت الـقـبـيـلـة ووفــيـت=والـــقـبـيـلــة دوم تـاقـف للـخــوي
كـيـف وانـتـه ولـدهـا واعتــزيت=مـايـجـنـب عـنـك رجـــال حـمــوي
صـوتـوا لـه يـاعتيبــة بيـت بيـت=وحـطـمـوا الأرقــام والله الـقــوي

شاعرنا كان له العديد من القصايد والشيلات في السابق

أردت وضع لكم بعض الشيلات المتوفره حاليا ً وإن شاء الله أضع المزيد في القريب العاجل ..

شيلة الحال ينحل يا فهد

أضغط هنا للأستماع

شيلة ياهوه

أضغط هنا للأستماع

شيلة يا زين يا غالي



وهذي محاورة الشاعر / محمد غازي مع مستور العصيمي




الأخوان في مجال التصميم ماقصرو وكان لهم مجموعة من التصاميم
ولازلنا ننتظر المزيد فـ أردت أن أنقل لكم بعض من التصاميم الجميله ..






















وللمعلومية :

للتصويت للشاعر : محمد غازي النفيعي العتيبي أرسل رقم 6 إلى :

السعودية:

الأتصالات( stc ) ـ 83314

موبايلي 6859

الكويت :

زين 90900

وطنية 1689


مخرج :

دقت طبول الحرابه وجاء وقت اللزوم=شبو النيـران والنـار مـن شبابهـا
البروق تلوح والسيل ينفعكـم عمـوم=والمطر ودان والنـار مـن شبابهـا

[فيصل المسعودي]

يالله انك تكتب له التوفيق

شاعر شاب قادم بقوه

نتمنى له التوفيق

شكراً ياطارق على هذا الدعم المعنوي الكبير

وكما يقال لا توصي حريصين

تحياتي