بندر عقاب
لأوله يا ولد حمدان مني سـلام=تسليمة ٍ يتعب الهاجس على شانها
والثانيه يا عميل الخير شد الحزام=يا لين بقعا نقوم ونقطـع لسانهـا
مرزوق حمدان العتيبي
الاوله مرحبابك ( عد برق الظلام )=ترحيبة ٍ (بالوفاء ماختل ميزانهـا)
والثانيه شد حيلك يارفيـع المقـام=ام الكباير لبوها ... لابو ورعانها
بندر عقاب
دام البقا يا عميلٍ ما يغـر النظـام=اثر القبيله تعيش بضـل فرسانهـا
يا صاحبي ما بلشنا في عيال الحرام=اللي تعزوى على الشعله ودخانهـا
مرزوق حمدان العتيبي
مجد القبيله تورخ من قديم العوام=الفضـل لله مميزهـا بشجعانهـا
ياصاحبي لاتعجب من غريب الكلام=مال النفوس الضعيفه غير حقرانها
بندر عقاب
امجادنا يالعتيبي مالحقهـا مـلام=يصعب على الناس فالايام نسيانها
المحترم ماله الا الطيب والاحترام=ولا الضعافه على الرجال تركانها
مرزوق حمدان العتيبي
كلامك اللي تقوله مثل ضرب السهام=بوجيه ناس ٍ عسى الله يدبل احزانها
الطيب يبقى مع اهل الطيب دايم دوام=واهل الحديده تعود لطبـع جدانهـا
بندر عقاب
الهجن فظهروها لازم نشد المسام=لكن ياليت اهلها تقضب ارسانها
الطق كثره لابد انه يفك اللحـام=واعوذ بالله من الدنيا وشيطانهـا
مرزوق حمدان العتيبي
ياعل نسل اليهودي للفنـا والعـدام=حتى فلسطين تلقى الخيـر سكانهـا
انته عتيبي ولا يخصمك راعي خصام=في ساعة الهوش ولا وسط ميدانهـا
بندر عقاب
حنا على حدنا واللـي بخشمـه عـرام=يقرب سيوف تقـص الـروس وامتانهـا
وانا اعرف انك على الشده صليب العظام=في ساعة يهرب مـن المـوت جابانهـا
مرزوق حمدان العتيبي
ربعي وربعك رجالٍ ماتعرف انهزام=عدوانها تعترف من قبل صدقانها
الحيه اللي تلمض مالها الا الحسام=ناطا على راسها ونقلّع اسنانهـا