العازمي
سلام ومرحبا والليل لافزعه ولاش سهوم = لسان وكلمةٍ من راس رجّال يبرهنها
نبا شاعر من الشعار ندرج في سماه الحوم = مخاليب الصقور الجارحه ساسه معادنها
عبدالمجيد العطاوي
نرحبّك نهلّي بك على عزّ وشرف واسلوم=وهاذا ردّها لرضاك ولشرواك نعلنها
الا ياطير كان انّك تهوم اللّي تريده هوم=تنهّض وانهض الجنحان لا تخلف توازنها
العازمي
بقيت وياسما الاشعار زيدي فالنجوم نجوم = نجومٍ غايبه ونجوم تظهر حول اماكنها
حقيقه مانعدّك يالعطاوي من عيال القوم = رفيق وفاللزوم اللازمه ماتعتذر عنها
عبدالمجيد العطاوي
عسى ماانته عن انجوم السما يالعازمي منجوم=مادامك شفت واحد كنّ مابه غايبٍ منها
بلاشكّة بلا ريبة حقيقة والنسب معلوم=وانا اقول لك جرّ الصوت ببيوتك ولحّنها
العازمي
قنعنا بالنجوم الباديه والحظ والمقسوم = عساها ترشد الساري لايامنّه تيامنها
تحت ظل البيوت العامره صدّرتلك مرسوم = عسى بيتك يظلّك من ظلاله قبل تزبنها
عبدالمجيد العطاوي
اثرك امن النجوم البادية يالعازمي مغموم=الا ياليتني ماجيت للقوم ومواطنها
لنا بيتٍ ماغيّر مركزه دور الشهر واليوم=على قمّة جبل مهوب في الأرض ومطامنها
العازمي
نعدّك واحدٍ منا بعد مازاد منّا السوم = نهار ان السلع فالسوق ماتبخس مثامنها
حزام وبنديه والهدف فالحزم ماش رجوم = ومن يدّانها بكره على غيره يديّنها
عبدالمجيد العطاوي
نعرف السلعة اللّي سامها التجّار ياعيزوم=نهار انّك تحتّ اعروقك الخضراء وتدفنها
ليا صارت مضاريبك في راس الطايل المزموم=تبى ترجع علاك البندق اللّي ثار داخنها
العازمي
صحيح انك مع التجار في وقت الغلا مظلوم = تدور للغصون الخضر من جد وتحضنها
بلشنا يالعطاوي في رفيقٍ مايعرف العوم = نحشمه من حلالٍ بالوفا والطيب يسكنها
عبدالمجيد العطاوي
هاذي والله قضيّة خير يامعطى ويامحروم=اقول لك العجينة ما عرفها غار عاجنها
بلشنا يالعتيبي بالهبيل وراسه المخروم=نوضّح له دروبه مار يجهلها ويشطنها
« آخـــر الـــمـــشـــاركــــات »
27-Feb-2009, 10:52 PM
العرض المتطور
