الفااااااااالح بعد الغيااااااااااااااب

[علي فلاح العضياني]

يا ناصر الدرّه تجي في قاعة البحر الغزير=انته ولد عمّي و أعدّك فالنهايه من هلي
بالعلم الابيض يرجح الميزان و يقرّ القرير=على ( حديجه ) و ( الخضاره ) يا مخايل خيّلي

التوقيع

(( رأس الحكمه مخافة الله ))

[معجب العتيبي]

ناصر المرشدي

بعد الغياب اللي يبين مايخفية الضمير=قدام لاننشد علي يامرحبا بك ياعلي
السر مثل القرش عند اهل المثل والصدر بير=وانته ليا مني بغيت اوصفك مالك حلي

علي فلاح العضياني

دام البقا بعد الغياب اللي عمر وقته قصير=الله يبارك فيك قدرك فالضماير معتلي
بنت الهوى نبغى نلبّسها ثيابٍ من حرير=و أغلى الذهب و الماس و أنواع الجواهر و الحلي

ناصر المرشدي

الطير لو ماينهض الجنحان مايقدر يطير=ياطير رفرف والله الوالي ولاغيره ولي
بنت الهوى ملبوسها سندس ونفحتها عبير=معروفةِ فالمذهبين الشافعي والحنبلي

علي فلاح العضياني

المعرفه و الموهبه عند القليل من الكثير=و اللي يشحّ بها بخيل و نذل و المخرج ملي
إهمال طلاّب الدراسه ذنب فرقبة المدير=هذا إختصار العلم و ضّحناه لك ( فيما يلي )

ناصر المرشدي

تقولها والفرق ماهو فالكبير وفالصغير=احدِ يلقيها النحر واحدِ يلقيها الخلي
اللي يقول انه بعير يشيل ماشال البعير=عشره فصول وكل فصل الله يجيرك ممتلي

علي فلاح العضياني

اللي يبا المصياف وقتٍ فات في سودة عسير=و اليوم يا جعل الضباب اللي عليها ينجلي
يا صاحبي فيما حصل نشره على اللي فيه خير=اللي يريد يداوي الجربان يطلاهم طلي

ناصر المرشدي

ان قلت لك مالك دخل وان قلت لك مالك خشير=اهملت مفهوم السياحه فالوطن يامهملي
ترى سميره ماعليها لو يغازلها سمير=قال المثل مالحب الا للحبيب الاولي

علي فلاح العضياني

إن قلتها ... قلت ... الكلام اللي تقوله ما يصير=انا صقر ما همّني ( صوت صفير البلبلي )
انته و فكرك غير و التطوير و الابداع غير=ما يشبهك فالناس غير المنقره شاعر بلي

ناصر المرشدي

امسيت في واد الرمه واصبحت في واد الجرير=واليوم تمشي فالمحاني (مشية العرنجلي)
تحير بعض افكار خلق الله وفكري مايحير=لاتلحق الغياب ترى النار قدمك تصطلي

علي فلاح العضياني

الارض يا ناصر وسيعه في مناكبها نسير=و فــأيّا مكان ألقاك بأسرع وقت ذكّيت الطلي
دايم ليا قابلتني راسك يدور و يستدير=ويش السبب تراك بالاسباب ما قد قلت لي

ناصر المرشدي

دامك بتذبح لي طلي قدري مع اصحابي كبير=انا ليا شفتك ذبحت الديك لو ماهوب لي
مالك عن المكتوب والواقع منير ولامطير=انا سوات الناس راسي يستدير ولاعلي

علي فلاح العضياني

يا ناصر الدرّه تجي في قاعة البحر الغزير=انته ولد عمّي و أعدّك فالنهايه من هلي
بالعلم الابيض يرجح الميزان و يقرّ القرير=على ( حديجه ) و ( الخضاره ) يا مخايل خيّلي

التوقيع

[علي فلاح العضياني]

الله يبيّض وجهك يابو سلطان

[قادح شرار]

كلام كلام ...

نقاش ممتع ..

صحت ألسنكم يا عتابه ..

وتقبلوا مروري .

[عبدالمجيد الثعلي]

ناصر المرشدي


علي فلاح العضياني




صحت ألسنتكم وبيّض الله وجيهكم



شعار عمالقه وافين وكافين

ماقصرتوا

[كبتن عتيبه]

محاورة كبار





لله دركم

التوقيع

قالو ياكبتن من مكبتنك ومن أنت؟=قلت العفو..بالرّبع ماهي غريبه!! ماهو بأنا..اللّي ياجماعه تكبتنت=لا بِالله اللّي كبتنتي..عتيبه!!

[آلاد غنـــام]

محاورة كبار





لله دركم