ابن سرحان الثبيتي
الجلاه ايحسب ان ايداي ماتقدر تطوله = لكن الليله على راسه يدورن الدعاوي
الغشيم ايفكر انه ماخذ ٍ كاس البطوله =مادرى اني محترف قبله وهو لازال هاوي
ناصر الجلاه
الجلاه الفارس اللي هز فالميدان دوله=دولة ثبيت العزيزه استرح يازرق سماوي !!
محترف والمشكله كلٍ يبى يشعب ذلوله=والشداد اللي لقيته راكبه 50 شاوي !!
ابن سرحان الثبيتي
والله انك ماتروح الا ورجلاك امعقوله = لجل اعلمك الحقيقه والفقير من الغناوي
والبعير اليا تعقل ما يبا ينقل حموله = لا تغرك يالعصيمي لبست البشت الحساوي!!
ناصر الجلاه
الكلام اللي تقوله كلنا نقدر نقوله=مد حبلك وأحتطب والقوم ماترحم وتاوي
أنت ودك بالحياء مار البلا يدك مغلوله=علموا كبتن ثبيت الشاعر العد الرهاوي
ابن سرحان الثبيتي
العصيمي كان له فيما مضى صوله وجوله = لين زلت رجله وروحبه السيل النحاوي!!
تحسبنا ماسمعنا هرجك اللي صفقوله = ياحليلك يالفراش اللي تجي للنار ضاوي!!
ناصر الجلاه
العصيمي يالثبيتي نال شيٍ ماتنوله=والجبل ماشدده سيلٍ مسيله فالملاوي
الحقيقه حق تنطق صدق ماعندك سيوله=ياحليلك ياخفافيش العشش !! والجوع طاوي
ابن سرحان الثبيتي
الرحاه اتدور والايام ياناصر عجوله = مار لا منا تعلمناك ضيعت الهقاوي
البلا انك يالعصيمي طحت والطاحه مهوله = يوم شفت الضيف مقبل ليه نثرت القهاوي
ناصر الجلاه
اثر ابن سرحان ميز فالزمان وفي فصوله=مار ماهو فالحقايق ياعرب حرٍ نداوي
مايطيح إبن العصيمي في طلوعه في نزوله=الكرامه للنشاما والمياسم للمغاوي
« آخـــر الـــمـــشـــاركــــات »
24-Dec-2008, 10:51 PM
العرض المتطور
