الصاطي
الليل يا سلطان سلطان الجذع ولا بلاش=معنا لزومٍ حاضره مادونها.مادونها
قبل امس حصلتك تخير فالمواتر فالقراش= ترى الرخيصه هينه والناس مايشرونها
سلطان الجـذع
الليل يالصاطي عليك البدع والمردود كاش = معك لوزمٍ حاضرة ياهونها ياهونها
روس الظبا ندري قبل تدرون مافيها عراش = لاتلحقوني لوم لامني كسرت قرونها
الصاطي
عينت راعي البندق اللي لا يهوش ولا يهاش=اللي زردها في نحرها مغلقٍ حنحونها
انا معي شرهه على اللي كل ماشاف العشاش=مايدري الا داخل العشه وبين اركونها
سلطان الجـذع
مااحدٍ نشد .. يالنار وين يروح حوام الفراش ؟= الا رجالٍ والله أعلم ماتشوف عيونها
الله يبارك فيك علم راح مايحمل نقاش = أضمنك شاعر والقصيدة فاقده مضمونها
الصاطي
انا بديت ابها سوالف مابديت ابها هواش=وليا بغيت احط جمرتها على غليونها
يا جرح ياللي عالجوك وثبتو قطن وشاش=سلطان مايبري الجروح الا يزيد اطعونها
سلطان الجـذع
تبدا كذا والا كذا خابرك وقت الجد ماش = هذي حقيقة فيك كل اصحابنا يلقونها
والديرة اللي من مزون الوسم ماطرها رشاش = ماتحمل البدوان يالصاطي تسوق ظعونها
الصاطي
قلوبكم فيها بلا وعيونكم فيها غطاش=متى تشوفون النجوم البيض وتعدونها
الله وكبر مات ميتكم وتال الليل عاش= وصبح يعلم عن خبر ليلى وعن مجنونها
سلطان الجـذع
الناس حاشت خير وانت أدري بحظك ويش حاش = مااحدٍ يبا الزقوم لو مال الهوى بغصونها
ياصاحبي مايجحد فعول النشاما غير لاش = ليت القلوب الغافلة مابيّحت مكنونها
الصاطي
المرجله شي على راسي وشي لي فراش= وام اليتامى والضعوف املا لها ماعونها
كل العرب شافو رقيه في مسلسل طاش طاش= لكن ماندري متى فالمقبره يلقونها
سلطان الجـذع
المرجلة صعبه من قصار اليماني ماتناش = وام اليتامى طبعها طبعك ولونك لونها
كلمتك هذي معك روح ولفها وسط القماش = اللي على راسك ترى ماابغى العرب يوحونها