محاوره غريبه جدا جدا

[عبدالله المطرفي الهذلي]

المشاركة الأصلية كتبت بواسطة سلطان عايض العايضي

عبد الله الهذيلي يقول سحب عدد كبير من مجلة المختلف عندما تطرقت

لوفاة المسعودي وهذا ماهو دليل على جماهيرتة 0



فقط الناس بيعرفون وشلون مات لان هناك اقاويل حول وفاتة رحمة الله

ياسلطان سحب عدد كبير من مجلة المختلف لمعرفة خبر وفاته هؤلاء كلهم من جماهيره العريضه التي لن يضاهيها أحد هؤلاء جمهوره ولو لم يعرفوه مابحثوا عنه واهتموا حتى بوفاته .

تحيااااتي .

[عتيبي للابد]

اول مرة اسمع باسمع عبدالله المسعودي
ما راح ينفعه الحين انه كان شاعر
اهم شي الدعاء له
الله يرحمه

بس وشلون مات الله يحسن خاتمتنا

[ولد ميسان]

ياخوان اتمنى نقفل على الموضوع وكل واحد يحتفظ في وجهة نظره

[**العمر مرة**]

نعم ليست مرة واحدة فقط فقد انعزم المسعودي عند العتبان وحضر فوجدهم متجمعين ولا شاف ولا هذلي موجود ... اول ماقام للملعبه قال

تهيض ياللساني لو عتيبه ياصلون الفين .....
عتيبه لو يجون الفين ما تسوى عريباني
أنا ربعي هذيل اللي سوات السيف ابو حدين
سوات السيف ابو حدين هدّم قصر نجراني

ولم يذكر ان احد قام ورد عليه يوم شافوه نواي اللملعبه وكلهم يعرفونه اذا تحمس ... الا ان تغير القاف

ليس ردى من الشاعر لموجودين لكن كلهم وسط ربعهم وحسبوا ردة فعل القبيله في حاله عدم مجاراته وهذا شي يحسبونله الشعار حساب

ولا كل اغلب فطاحله الشعر في قبيله عتيبه لعبوا مع المسعودي وكانت ولا زالت من اروع مانق في المحاورة

[العطاوي السلمي]

هذه الحادثة قد تكون حقيقة وقد تكون غير ذلك

لكن الحقيقة التي يجب ألا يعترض عليها احد ان المسعودي ضمن افضل ثلاثة شعراء مروا على تاريخ المحاورة

واستغرب ان يشكك البعض في تاريخ وامكانات وقدرات هذا الاسطورة

[خالد الجش]

الله يرحمك يالمسعودي

عان زبيده طاشت وراعينها

[شمس الحقيقة]

عبدالله المسعودي الله يرحمه شاعر وحكيم في الشعر ويحبونه ربعه كثير وصدقني ياعبدالله المطرفي لو لحقت على ايام المسعودي كنت راح تحبه اكثر الرجال له حضور قوي في الملاعب

كنت انا وياه نشتغل في شركة سيارات قبل يدخل العسكريه هو وكنت اروح معاه للملاعب الي يحضرها له شعبيه كبيره والرجال ماودك يسكت اذا سولف رجال طيب ومحبوب وفيه نخوه وحميه وكل العلوم الطيبه

شرس في القصيد ولا في حقيقته قلبه ابيض من الشاش ودايم اذا خلصت الملعبه اذا حس ان قال بيت يزعل خصمه يروح ويحب راسه ويقول انا ليا جاء اللعب لاحد يشره عليه هههه الله يرحمه

وتراه يحب شعر مطلق الثبيتي يعلمنا يقول مطلق هذا الشاعر الجبل يمكن ينقدر ومطلق ماينقدر يقول شاعر بحر ولهم محاوره يعلمنا بها لكن ماذكرها في السياره كانوا رايحين سوا في السياره لمناسبه تسميه لصاحب لهم وصاحبهم في الطايف وهم راجعين في السياره لعبوا قاف عالمي ونزلوها مره طبعا هم اصحاب يمونون على بعض من ظمن ابيات الثبيتي معناه يقول ليتك بنت قمر 14 وقاله المسعودي في بيت معناه ليتك رجال ههه الله يرحمهم كانوا مصايب في الشعر

مدام حنا في طاري عبدالله الله يرحمه اذكر موقف طريف مره جانا قال نبغى نروح لباب مكه في جده يبغى يشتري من هناك اغراض لمحلاته وهاك اللحين المواصلات صعبه ولا معانا سيارات وصلنا هناك بعد شق الانفس وصلنا بعد العشى تقريبا .. بعد خلصنا مرٌينا من جنب قهوه كان فيها تلفزيون وكان دوب برنامج الباديه بدا قال حياة المسعودي بنجلس في القهوى وبنتفرج في الباديه علشان بشوف المحاور الي سجلها مع مستور العصيمي هاك اللحين .. دخلنا القهوه وهاك الحين اسمها الشيشه مايسمونها قهوه المهم وجلسنا طلبنا شاهي وقالوا لازم تطلبون معاه شيشه وطلبنا شيشه ومافينا الي يعمر شيشه حاطينها جنبنا هههه والله يوم جاء وقت المحاوره وإلا انها حقت المسعودي ومستور قال المسعودي اصبرو ذحين العالم كلها بتقول عانوا المسعودي الشاعر يشرب شيشه مير انا بتلطم قلنا تلطم بكره الشعار يخلون معنى فيك .. يوم بدت المحاوره ولا واحد من الي يعمرون شيشه يقول يامعلم طف التلفزيون اقرفونا البدو واحد جداوي.. عودو صكو التلفزيون قال المسعودي امشوا عزالله محل الخزا مايحي منه غير الخزا وحنا نموت ضحك ههههههه


الله يرحمه وعذورنا على الاطاله

آخر تعديل شمس الحقيقة يوم 19-Feb-2009 في 12:56 AM.