سلطان الجذع =
يالعصيمي معي معنىٍ مضامينه بعيد=وأقرب لمثلك من السبحه اللي في يده
سامعٍ لي عنك ياصاحبي علمٍ جديـد=أنكره مرزوق والعازمي عيـد أيـده
سعود العصيمي =
هات علمك يالجذع فيدنا والا استفيـد=قبل لااسمع علم سلطان نعرف مقصده
الوكيد ليابغيت الكـلام اللـي وكيـد=علمك اللي تذكره محد قبلـك مكـده
سلطان الجذع =
يامردد سالفة مايسـودون العبيـد=العصيمي صاحبي صار عبده سيـده
للصدور أسرار وتجيك فبيوت القصيد=وانت مدري تنقض الحبل والا تعقده
سعود العصيمي =
الله اللي يفعل اللي يشاء واللي يريد=وانت علمك منك واليك محد ورده.
والعلوم الثانيـه مانمـدك بالزهيـد=سرها والبيت مايرفعه غير اعمـده
سلطان الجذع =
كان شوفك عيد واتلى الزمن فرقاك عيد=من متى شرواك يوعد ويوفي فوعده !!!
ياعصيم اصحابنا حظكم ماهـو سعيـد=في سعود اللي ليا قـام ماقـام سعـده
سعود العصيمي =
احسب احسابك ترا الموت في حبل الوريد=لاتقربنـا تـرا مـن قربـنـا نهـجـده
ماعليهم خوف من دونهم سيـفٍ حديـد=البلا فيك انـت والمرقـد اللـي ترقـده
سلطان الجذع =
أجزم أنك لو توفيت ماتحسـب فقيـد=ابو طايل غير طايل من اللي يفقده !!!!
يوم هبات الهوى ميّلت خضر الجريـد=ماانت قبل الركب ياسعود خابرك بعده
سعود العصيمي =
اجزم اني لوتوفيت ماتشبـع رغيـد=منهو اللي يكفلك تحت مذخور اجهده
انت في هاك السنه لاعقيد ولاقعيـد=حضرميٍ راس مالـه بقالـه ببلـده
سلطان الجذع =
لاغريب الذيب رزقه معلق فالهريـد=أنشد الكبتن ومعجب ومرزوق أنشده
وقتها أرد الجهامه وبالسيف الحديد=وانت بنت أبليس تنقلك وسط المزوده
سعود العصيمي =
مانت ذيب ولاانت صياد حتى انك تصيد=اعترف بالحق اخير الـك مماتجحـده
من حسابي يالجذع لاتسوي لك رصيـد=لاتقرب لـك خيـالٍ رزيمـه برعـده
« آخـــر الـــمـــشـــاركــــات »
16-Nov-2008, 10:52 PM
العرض العادي
