قادح شرار
يا بندر المرشدي .. متى تجيب الوسام = صبري نفذ يا طويل العمر وأنا أنتظر
لي عشرة ٍ مع كبار القوم ... من حول عام = وأبطى علي الفرج ... يا الله تجيب الصبر
بندر المرشدي
له عدة شروط ما حققتها بالتمام=ماهو مصافيط والا لعبةٍ للبشر
مازلت طالب بمدرسة الرجال الحشام=منها قرار التخرج مابعد لك صدر
قادح شرار
مرزوق راقد ودايخ ... داخل أحلى منام = وأنته مغيّب وتحضر ...مرة ٍ فالشهر
شروطه محققه ... وأمشي بحسب النظام = وأنته سفطته لمن تعرف ... عساك القبر
بندر المرشدي
والله لو تعرفه ما قلت هذا الكلام=لكنّ رح طق بابه... طيعني واعتذر
ياعتيبي اثبت وجودك والك مني سلام=ابيك تغرف بحر... وابيك تنحت صخر
قادح شرار
أنا عرفته ... ولكن جيت أسوق الملام = حقي وأطالب بحقي ..كان عندك نظر
ما جيت أهرجك غير >اذخيرتي فالحزام = والبيت لا من نطقته ... مثل حذف الحجر
بندر المرشدي
مافيه حقٍ تكلم عنه هرجك حلام=ارفع يدينك لربك واطلبه فالستر
ما انته بناقص... ولاكنك طري العظام=أقرب من الكبتن يدرسك بعض السور
قادح شرار
الحق واضح ونور الشمس ... يجلى الظلام=أظن جاك العمى ... ولا أنت رجل ٍ عَـوَر
أنت بدوي عايش ٍ بيـن الغنـم والخيـام=وأنا مثل كبتـن عتيبـه ...ولـي الفخـر