علي فلاح العضياني
يالجذع يوم ربعك سلّموك الامانه= ليتهم دوّروا غيرك ( كفو ) يستلمها
نحسب انّك تكانه وأثر مانت بتكانه=حتّى وجهة نظرك الناس ما تحترمها
سلطان الجـذع
( صنتها صوّن مسلم مايعرف الخيانه ) = ياوجود السوالف لايهمك عدمها
المطر هل نوّه ...بأمر من جل شانه = لاتقول البدو ماعاد تشبع غنمها !!!
علي فلاح العضياني
تحسب انّك سوات زريب عنتر زمانه=يقطع من اذنها ويسدّ به جوع فمها
الجذع لوّ تنحل عقدةٍ في لسانه= العرب بالكلام بدون فعل إلتهمها
سلطان الجـذع
رحمة الله فوقه ... قبل يسرج حصانه = عيشة الذل تأكلها وتطعم طعمها
من رفاع لرفاع ولاتجي فالطمانه = في ذرى اللي عقلها بالعقال وخطمها
علي فلاح العضياني
كل فارس يعرفون القبايل مكانه=مار ابو زيد حصّل فرصته واغتنمها
ما بقي للجذع هيبه و لا له حصانه = العرب في طريق إخطاه تزرع لغمها
سلطان الجـذع
شافها طيبة .. وأرخى للاكحل عنانه = قدم نمراً على القمه يرفرف علمها
لو عندك على بعض السوالف ضمانه = كان من صالحك قاض القضية حكمها
علي فلاح العضياني
لوّ سود الليال ترجّع الاسطوانه=نشعل النار حتّى تحترق من وحمها
كان تبغى كلام الصدق و الحقّ عانه=العرب منك في فعلك تبرّي ذممها
سلطان الجذع
خاايف تعيد لك دنياك حادث ديانه = يوم ظلمت وغير الحظ مااحدٍ ظلمها
لاتبرى ترى نفسك بجرمك مدانه = تاكل التمره وتلحق وراها عجمها
« آخـــر الـــمـــشـــاركــــات »
26-Oct-2008, 12:14 AM
العرض العادي
