الشيباني 2000
سلام الله على معجب عميد السوق والتجـآر = لوان السوق قفل نسبتة واحد على ميه
نقول امرار سوقاً طيباً لكن بعض امرار = ما ندري ويش هي خانته فـ سواق السعوديه
معجب العتيبي
هلا يامرحبا والسوق جعل السوق ماينهار=عسى رب الملا يحميه من شغل الحراميه
يابن مشيب ترا الاسواق مليانه ذهب واسرار=وانا واياك نبغى نحلل الاسواق عصريه
الشيباني 2000
يدوم ابك البقا وعداد برق الغيم والامطـآر = وسوقك قفل النسبه حدر يا حامي الهيه
على القوه وسج الرجل يا معجب بكل الدآر= ووانا وانته نعرف الشمس يارجال من الفيه
معجب العتيبي
تقوله وانت في سوق الغلا ياصاحبي محتار=تبا تطلع تبا تدخل تبدل نيه بنيه
اباك تشوف وضع السوق يارجال بالمنظار=مدامك تطلب الاصلاح قرب حولي شويه
الشيباني2000
يا معجب يا حبيبي ما نقول اقصوور .. والاقدار = هي اللي تبدل الحسنه مع الايام بالسيه
تبا وجة نظريه يا عميد السوق ما ش اعذار = غزة سوقك حضارم ما تعرف الداب والحيه
معجب العتيبي
مدام انك تعرف الصح ليش تذيع فالاخبار=تعال براس مالك وادعم السوق الخليجيه
خذ العلم الوكاد وكرره يالشاعر البيطار=ترا مايرفع الاسواق غير يديك ويديه
الشيباني2000
نعرف الصح لكن بعد ما شفت الخطاء بـ جهار = لزوم اعلم العمده ومن صارو حواليه
نقوله ما عليكم زود يا هل الشعر يا شعار= تعروفون الصحيح وتتبعونه يالشقرديه
معجب العتيبي
علام صويحبي غير مساره بأول الدوار=ورا ماكمل حلول المسائل بالشفافيه
انا ماودي اسوي دروس وكلكم شطار=واضن السوق فيه من الشباب الفذ ماريه
الشيباني 2000
صحيبك ما ختلف نهج وسيره يا عساك بخار = لكن انته نظرك ضعيف والدعوه خصوصيه
اثرك استاد ما شاء الله يامشاء الله شبابً غار = تدرس روضة الاطفال ولا فالثانويه
معجب العتيبي
اجل خلك على نهجك وشاور ربعك الحظار=ولا منه حصل مني خطا جنّب خطاويه
منحني خالقي ياصاحبي حكمة طويل اشبار=ولي فالجامعه تدريس والعزوه عتيبيه
« آخـــر الـــمـــشـــاركــــات »
17-Oct-2008, 04:24 PM
العرض العادي
