الشيخ تركي بن حميد والشيخ محسن الفرم

[محمد الحميدي]

يالله ياعالم بغيب الزماني
يامعتلي ياعالم كل الاسرار
انك على الفعل الجميل تهداني
حيثك انت الواحد النافع الظار
ومن عقب ذا قولوا لراع الحصاني
اللي يتمنا حربنا سر وجهار
يالفرم حنا من بلاوي الزماني
عاداتنا نسقي العدا كاس الامرار
حنا عتيبه مطلقين اليماني
عاداتنا ناخذ على الخيل مشوار
ونا على صفرا وسيعة لباني
مع لبتن تشدي لبيبان نجار
تكسر بذيلن مثل عسو الياني
ويمنن تطرف مثل لاحس الحار
وليا شكمت لحيها بالعناي
كنها تشاورني تبا مني اسرار
وارجي عسا الله في صحاحن بياني
بنحورنا يالفرم ترميك الاقدار
اما رميت الشيخ ولا رماني
واقفايت المسلم عن الرافظي عار



الله يرحم الشيخ تركي والشيخ محسن

ياسلام بيض الله وجهك يابن غزاي لاهنت

تقبل تحياتي

التوقيع

[ابو محمد الدعجاني]

اخوي محمد وجهك ابيض وشاكرلك مرورك

[بدر الكريزي]

""

الله يرحمهم جميع ..


و بيض الله وجهك يا ابن غزااي ..


""

التوقيع

قرأت فيما قرأته من بلوغ المرام ., اللي ترك شيء لله ( عاضه الله بخير ) ., ., استغفر الله العظيم , و أتوب إليه ‘.

[بدرالهبيري]

واقفايت المسلم عن الرافظي عار



هل يوجد دليل ..

ثانيا ً كديميس ماهو مرجع ..

تحياتي وتقديري للجميع ..

[ابو محمد الدعجاني]

اخوي بدر الكريزي وجهك ابيض ولا هنت على المرور

اخوي بدر الهبيري اشكرك على المرور وكديميس اذا ماهو مرجع وهو راويه وشاعر اجل منهو المرجع

[ابو محمد الدعجاني]

حياك الله اخوي عيسى واتشرف بمرورك يالغالي

[راعي الجودي]

هاذي المواضيع الشيقه الله لايهينك

[ابو محمد الدعجاني]

ولا انت يالغالي شاكرلك المرور

[إستراحة محارب]

يا مال العافية يا بناخي

أشكرك على تأريخك للقصيدة رحم الله أطرافها وأطال الله في عمر الراوية كديميس العصيمي

[ابو محمد الدعجاني]

حياك الله اخوي ابوصالح واشكر مرورك والله يجيب دعوتك