سعود العصيمي=
هلا يامرحبا في مرحبا واهلآ هلا مليون = اقدمها لاهلها عند اهلها ثم اثنيها
والا يامبارك اقلط هات علمك والعرب يوحون = بعد ماجيت في دارٍ توجب من يجي فيها
مبارك الحمراني=
يدوم ولك البقاء واللي سواتك جلعهم يبقون=رجال الطيب جعل الله على الطلات يبقيهـا
على عز ومعزه وانت علمنا عن المضمون=من اهل الدار والديره ماتبعد عن حراويها
سعود العصيمي=
يقولون العرب بنت الزناتي ما هوت مجنون = ولا حتى تلد اله النظر لوهو يحاكيها
غزينا مع كبار القوم يوم إن العرب يغزون = ويجينا بالغنايم كلبوها من تواليها
مبارك الحمراني=
لاتطري لي طواريق الغرام ابيح بالمكنـون=ترى مجنونها يبعد بعـد ماجـاه صاحيهـا
ترى بعض الغنايم لو تفيض وتملي الماعون=على مر الليالي ماتنومـس راس راعيهـا
سعود العصيمي=
ابا اولع عليك النار لين تصفر الطبلون = لعلك بعد ماسرحتها بكره تضويها
تعنّيت انت وصحيبك ابو فيصل على مالون = تبون الطيبه والطيبه من حض أهاليها
مبارك الحمراني=
نبا نرميك في نارك بعد غيرت في القانون=كثير الناس مايبرى مرضها لين نكويهـا
نبا نتعب على علم الحقايق والظنون ظنون=عسى اللي جابها ياصاحبي يقدر يوديهـا
سعود العصيمي=
أنا كسبي مع اهل العرف وهل المعرفه مضمون = ماهو بعلوم قومٍ ميسمي واسم علابيها.
تجارتكم خسارة ماتربح مخلص المديون = اثركم مثل من يكحل عيونه لين يعميها
مبارك الحمراني=
مافي البنك التجاري من رصيدك يالشقاوى لون=درينا عـن علـوم الخافيـه ياللـي تخفيهـا
شكرنا الله واغنانا ومن غيره مانطلـب عـون=لكن سيئاتها حـاول لاتقـرب مـن حسانيهـا
سعود العصيمي=
شواهدها علاها وانت تدري والعرب يدرون=وهالحينه حصاة ارزاح من فوقك نوطيهـا
مادام إنك تناطح لك جبل وانته بدون قرون=عسى ربي يعينك فالظروف اللي تقاسيهـا
مبارك الحمراني=
عليك الهون لاتتعب وتتعبنا عليك الهون = تراها ما تكلفنا السواه اللي تسويها
« آخـــر الـــمـــشـــاركــــات »
19-Sep-2008, 11:51 PM
العرض المتطور
