النشمي=
يالعصيمي جيب صوت الداعي وانت شيخ وقاضي=وكان طعت الامر صارت حوسه شيخها قاضيهـا
الرعيـه يحتميهـا الراعـي فالزمـان الماضـي=وتالي الايـام جـت معكوسـه تحتمـي راعيهـا
سعودالعصيمي=
يامناديني تراني واعي خل علمٍ فاضـي=لاتجيب السالفه منكوسه ماني ابشاريها
مالها الا سيفنا القطاعي والعدو مغتاضي=والاوادم رئيس ومريوسه كلمةٍ توحيها
النشمي=
لا تضايق والدروب اوساعي خل قلبك راضي=وامش حسب الخطه المدروسه وانتبه وش فيها
مابها طمعه ورى طماعي لاتهشـم الحاضـي=العرب كلاً مطرف موسه منته اب مرضيهـا
سعودالعصيمي=
فعل لذراعك وفعل ذراعي ،، انتشر في عكاظي=قالها اللي ناجحٍ بدروسـه ،، اقـر ياقاريهـا.
لايهمك حضرمي وارفاعي لو شظاهم شاظـي=ناس مار احضوضهم منحوسه مانته ابناسيها.
النشمي=
كان في راسك تحس اوجاعي وكثرت الامراضي=ردهـا للتمـره الممروسـه وعلتـك تبريـهـا
ضاعت الانصاف والارباعي والسمان ارباضـي=وانت فوق الباميه والكوسه ويمرضـك طاريهـا
سعودالعصيمي=
انت سبع وجاك سبع اسباعي ،، بعد برقك ناضي=مانجامل لحيـة مهلوسـه ،، موسهـا لاحيهـا.
فعلنا منه السباع اشباعي،، في شتاء في قاضـي=مار علم من جهل برموسـه،، طرقتـه غاويهـا
النشمي=
الضعوف اقلوبهم ترتاعي عايض وعواضي=وحبةٍياسعود فيها السوسه خاب من يرجيها
علمهم ماوصل زند اكراعي علهم للاضي=اترك الهندوس في هندوسه وحقدها كاويها
سعودالعصيمي=
والله اني شاعـر ببداعـي،، للفتـل نقاضـي=والجنون ابمرسنا مركوسه،، بأمر من ثافيهـا.
انت نجمٍ فالسماء لاماعي ،، ولاعبٍ ورياضـي=والحياء ذكره يجيب عسوسه،، واقطعوا طاريها.