معجب العتيبي
تعال يابو حبيّب عندنا لك سؤال=والظاهر انك معي تتضبط ايجابته
وشلون بعض البشر يتجر بلا راس مال=والا يخاشر كثير المال فبضاعته..؟
عبدالله حبيٌب الزراقي
ان كان تبغى الجواب الي بدون احتمال = شرح التفاصيل خله منت في حاجته
ماهو بتاجر .. هذا عامل يفك المحال = الي يجي تحت شرط العقد وكفالته
معجب العتيبي
انا اشهد انك تجيب السالفه بأعتدال=والنعم في صاحبي والنعم في لابته
لكنّ اشوف الكفيل يعامله بالدلال=وموظفه قبل يتأكد من شهادته
عبدالله حبيٌب الزراقي
وعشرة انعام فيكم ياكريم السبال = ياصاحب ٍ كلنا نمشي على قالته
المشكله في مزوٌرة الهلل والريال = ولا الاماره تبا تسجنه لو شافته
معجب العتيبي
وش رايك نكتفه ذا الليل يابن الحلال=وناخذ منه قصته ونسجل ايفادته
وان كانها ثابته ماصار فيها جدال=نسحب منه رخصته ونبيع سيارته
عبدالله حبيٌب الزراقي
نبا نحقق معه بالطيب دون انفعال = وليا انكر المتهم نخنقه فعمامته
قدام لايعلن التوبه يرٌد الحلال = حكم العداله على كل البشر ثابته
معجب العتيبي
اجل نويت اقترح والسالفه لاتزال=تحت النظر والعرب ماتعرف بغايته
نبيه قدام خلق الله يزين المجال=ويكون عبره لبعض الناس فنهايته
عبدالله حبيٌب الزراقي
هذا الكلام الصحيح الي لابدٌه يقال = هذا اقتراح ٍ ترا ماضرٌته فادته
ماهو بعيب الخطا والعذر قدٌم الرجال = الناس ماتعذر الي يجحد افعالته
« آخـــر الـــمـــشـــاركــــات »
24-Jul-2008, 12:17 AM
العرض العادي
