الشاعر اللي ماله من اسمــه نصيب .. يتفضل هنا

[ذيب النفود]

صف سلطان غير متصل

[معجب العتيبي]

سلطان الجـذع

قرّب هنا يالشاعر اللي مالك من أسمك نصيب = معجب ولكن الحقيقه مااحد أشوفك معجبه
حاول تطلعها الجبل ياللي محدرها الشعيب = قبل تصب الكيف لاصحابك وترجع تشربه

معجب العتيبي

ماغبت ياسلطان فالميدان موجود وقريب=يالشاعر اللي تعجب الاصحاب حالك مااصعبه
مادمت تطمع فالجبل ياصاحبي مالك طبيب=مالك طبيبٍ فالحياه الا خويٍ تقربه

سلطان الجـذع

ماغبت لكن !! وش تودي من علوم ووش تجيب= عين العقل عيت تشوف الخط ياللي تكتبه
الاولة حنا ذراك ليا عوى ذيبٍ لذيب = والثانيه ياصاحبي فقّد علومك وانتبه

معجب العتيبي

وشلون تنشد وانت ياسلطان رجالٍ لبيب=والا طبيعه فيك حق اللي تحبه تسلبه
الاوله مغنيني الله عنك فالوقت الصعيب=والثانيه علمٍ خفا..ياصاحبي وش تطلبه

التوقيع

[معجب العتيبي]

المشاركة الأصلية كتبت بواسطة ذيب النفود

صف سلطان غير متصل

ههههههههه


معلمهم بس ماسمعوا العلم

[ذيب النفود]

الليل الليل ياسلطان الميل عليكم

[السميــــــري]

الله الله ..

محاروة كبار ..

صحة الألسن يامبدعين ..

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[/عبد العزيز الجذع/]

الله الله...


صحت السنتكم..


والصف صف سلطان.>>عنصري هه



متابع وبشغف..

[ذيب النفود]

الاوله مغنيني الله عنك فالوقت الصعيب=والثانيه علمٍ خفا..ياصاحبي وش تطلبه

[مرجح الميزان]

صح لسانك ياسلطان وصح لسانك يا معجب


,,

متابع للجزاله

[سلطان الجـذع]

دوب اصتغى ميزانها بين المنادي والمجيب= ياكبر حجم الاسئله ,,,ياصغر حجم الاجوبه
والثالثه والرابعه ياما غدى لك من ذهيب = ياليت معجب يحفظ الباقي عسى الله يذهبه

[سلطان الجـذع]

المشاركة الأصلية كتبت بواسطة ذيب النفود

صف سلطان غير متصل

صفي اشبه مايكون بصفوف السوطه

الهدوء السمه الابرز فيه .... موجودين ياعم