ناصرالمرشدي
بعد مازالت الغيمه وبان النور=وسجيت القدم والدرب قدامي
على دربي لقيت المنهي المامور=من احداث الليالي جايعِ ضامي
بندر المرشدي
عسى دارك بعدها ياولد ممطور=أخاف انك تجي ويدينك توامي
تنشد والعوارف ما تغط النور=ويعطيك الخبر مندوب الاعلامي
ناصرالمرشدي
يحلق في سماك من الطيور طيور=وعشت من الوجل في ضل الاوهامي
مسلطني عليك الله ثمان شهور=اذوقك العنا بالميسم الحامي
بندر المرشدي
أنا اخاو الصقور اللي تسمى صقور=على وضح النقاء في كل الاعوامي
كفاني شره الله ما بقي له سور=هروجاً فالسعة والواقع أحلامي
ناصرالمرشدي
نتيجة بذرة الباذر فالارض البور=خساره لو سقاها دمه الدامي
ترى برج السعود يسوق برج الثور =على جبهة جنابك بصمة بهامي
بندر المرشدي
والا يالطالب الراسب على الدكتور=لا تزمر بعد ما علمك الارقامي
وانا ما أشوفك الا كبر راس ضفور=وجبيني معتلي عن كل الاقزامي
ناصرالمرشدي
يابو سلطان لاتهرج بهرج الزور=بعد رفعت صحفك وجفت اقلامي
تشوف سهيل من عرض النجوم يدور=ولا عاب الكواكب صغر الاحجامي
بندر المرشدي
زماناً فات عشت بفية المذكور=ومن فضله عليك معلق وسامي
تمني والتمني حده الحنجور=تعين منه وش سووا بصدامي
ناصرالمرشدي
زمانٍ اول حنيتك حنوة الباكور=وحطيت الك قيد وخرج وخطامي
تكوّر بس انا خابرك مانت بكور=تبا تاصل زحل مشياً بالاقدامي
بندر المرشدي
على غصن التمني غرد العصفور=رقد ثم شاف نفسه حراً قطامي
تثرثر بالسوالف ما انته بثرثور=ومن ما تونسه ما انته بمنلامي
ناصرالمرشدي
امانينا حقايق يالعيون العور=وهقوتنا تحطم كل الارقامي
تبربر ما حسبت انك كذا بربور=عسى ربي يعينك تال الايامي
« آخـــر الـــمـــشـــاركــــات »
24-Jun-2008, 05:02 PM
العرض العادي
