نــاصــر الــمــرشــدي ................ سبشل !!!

[ناصر المرشدي]

ابو فلاح

صح لساانك وبيض الله وجهك

شرفتني بالعب معك

التوقيع

nasser1-9@hotmail.com http://www.facebook.com/profile.php?id=100002473132393 twitter@nasseralmarshde

[عبدالله الجـــذع]

محآوره جميله

لاهنتم شعرائنا الكرآم

محبكم

’

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[معجب العتيبي]

علي فلاح العضياني

يا مرحبا بالشاعر اللي كل ما جاله مجال =إتردّد الالسن على طول ( ونعم بالمرشدي )
ترى الهدف مركوز في راس الطويل من الجبال=في راس ضلعٍ ما يصيبه غير كل بواردي

ناصرالمرشدي

دام البقاء يالشاعر اللي كل ماغنا وقال=معه اكثر الشاعر فالميدان لقام تغدي
لا يبعد ناس تقول القول من نسج الخيال=باذن الله المعبود لصيبه واجيبه في يدي

علي فلاح العضياني

إبن الحلال اللي يبا يالمرشدي بنت الحلال=طاح و تعثّر و آخر الايام حظّه مرتدي
ليته قعد عقيم ما جاله بنات و لا عيال=ما فاد راسه خلّ ذخرّه ... و انت تعرف مقصدي

ناصرالمرشدي

بعض الحمول حمول ماتشتالها بعض الجمال=وش لون تسري ليلها والليل ليلِ سرمدي
يامجمل الموضوع ياهم الجواب من السوال=ياسهيل تبقى في فلكك تدور ويدور الجدي

علي فلاح العضياني

يالمرشدي ما عاد تنفعك الحيَل و الاحتيال=موترك خبّط ما يفيدك لوّ لمّعت البدِي
العام ترسم لك مشاريعٍ عريضاتٍ طوال=واليوم بالخوصه تبا تذبح مثل ذبح الفدِي

ناصرالمرشدي

اخر زمانك ماتفكر فالحرام وفالحلال=وان كان ماغيرت في وضعك ترى حضك ردي
ياللي بغيت الفال قبل الفال خفت من العقال=جيت تعدي وريتني وجهك وقفيت تعدي

علي فلاح العضياني

سبحان من غيّر حوال النّاس من حالٍ لــــ حال=من لا هداه الله طريق الخير ما هو مهتدي
ترى الغلط منّي .... و قوفي معك ... في ماض الليال=جهدك ما ينفعك ..لولا الله فزع لك ..بجهدي

ناصرالمرشدي

هذي تراها حالة الدنيا نزولِ وارتحال=العام قبلي ياوسيع العرف واليوم بعدي
ان كان لك وقفه وراك تمنها يابن الرجال؟؟=والصدق مالك فضل... خل الفلسفه يالاجودي

علي فلاح العضياني

عيش .. و .. يجيلك يوم تندم فيه .. وتشدّ الرحال=المشنقه ما كان يعلمها ( الرئيس ابو عديّ )
العلم واضح لو جحدت العلم و أكثرت الجدال=و الفضل لله ثمّ للرجالٍ تضدّ المعتدي

ناصرالمرشدي

ليه العضياني طموحاته على قرن الغزال=وانا احمد الله محتزم ومسدسي في مجندي
الكذب لو انه على منصب... ليا قلت استقال=على الوفاء وصاني ابويه ووصيت ولدي

علي فلاح العضياني

البنت ما يصلح لها غير النشيط من العيال=اللي ليا قامت يقوم و حين ترقد يرقدي
الكذب قاصرةٍ حباله من يحطّه راس مال=إينصّب الشيطان له قدوه و بأمره يقتدي

ناصرالمرشدي

يالحاشي اللي ماتخاف من الجمال ابعد لحال=الله يعينك وش يبا يتبع هديري وزبدي
خلك على ضني وضني فيك دايم عال عال =لاترتدي ثوبِ ماهوب يليق الك لاترتدي

التوقيع

[عبدالله الحربي]

عيش .. و .. يجيلك يوم تندم فيه .. وتشدّ الرحال=المشنقه ما كان يعلمها ( الرئيـس ابـو عـديّ )

خلك على ضني وضني فيك دايم عال عـال=لاترتدي ثوبِ ماهوب يليق الـك لاترتـدي

الله الله علي العضياني وناصر المرشدي



صحت الألسن والقلوب وبيض الله وجيهكم على هذا الطاروق الكايف


مع اجمل التحيات

[علي فلاح العضياني]

ابوجرود


اشكرك على مرورك الغالي

التوقيع

(( رأس الحكمه مخافة الله ))